يا رب
الروح والعين بيبكوا
والدمع بحور سيول
وليك وحدك بيشكوا
حكيم عندك حلول
أنا اموت والعمر اعيشه
ف محبة الرسول
من حب ربه حبه
ويزيده حب ربه
وبنية خالصة قلبه
هيشيل عنه الحمول
أفديك بالروح يا طه
باحبك يا نبي
الروح والعين عطاها
مشتاقة للنبي
اكتبلي زيارة ليها
الكعبة والنبي
يا رب مشتهيها
زيارتك والنبي
من حب ربه حبه
نفسي الغفران أنول
ذنوبي كتير يا ربي
سامحني واهدي قلبي
ع الدنيا لو ها اخبي
عالم من غير ما اقول
محتاج رضاك يا ربي
بشفاعة الرسول
من حب ربه حبه
بيشيل عنه الحمول
الدنيا سارقة عمري
ساحباني زي الاعمى
يا رب اتولى أمري
يا واهبنا كل نعمة
ورازقنا بكل لقمة
من غير واسطة ورسول
من حب ربه حبه
بيشيل عنه الحمول
أنا اموت والعمر اعيشه
ف محبة الرسول
الشاعر / محمد عبد الحافظ
عضو اتحاد الفنانين العرب
وكيل الاتحاد العالمي للشعراء
والمبدعين العرب بسلطنة عمان