من ديوان #من_فات_قديمة_عاش ‫#‏مصطفى_مدحت‬. 
. 
. 
يا منعانى اقول عاشقك.
حبيبتى يا طريق مطلى بلون الدم.
وريحة الورد.
يا حزن وفرح وهتاف جلجل فالسماء.
وزلزل فى العروش والأرض.
يا ضحكة طالعة بتعيط.
يا دمعة نازلة بتزغرط.
يا شمس يا دافية يا حارقة جباة الفقر.
يا حمل تقيل بيحنى الضهر.
يا عز وقهر.
حبيبتى يا فاسدة يا ظالمة وبرضه .
نموت فداء طينك.
وتقسى برضه عاشقينك.
نموت من جلد سجانك ورسمين حكايتنا .
فوق جدران زنازينك.
.
حبيبتى يا صابرة ع البلوى.
وساكته كان مفيش فايدة.
يا عود ياسمين ملطخ دم.
ياتوب ديباج ونار الحزن فيه قايده.
يا غالية كأنك اغلى من بنتى.
تباتى فحضنى بالأيام وهربانة بلا عودة.
.
حبيبتى يا عمر مش عارف نهايته ازاى.
يا دم من العرق متسرسب كلحن حزين.
فنفخة ناى.
يا شابة وشاب شابو وهما لسه عيال.
يا صرخة ام وقهرة اب على المقتول.
وقاتلينه وسرقين منه عمره الجاى.
ودفنوه ومشيوا فى جنازتة وشربوا.
على روحه قهوة وشاى.
.
حبيبتى يا كل ايامى.
واحلامى.
وسكنى وحافظة عنوانى.
يا كرهانى وعاشقانى.
يا فكرانى ونسيانى.
هتفت بعلو الصوت تحيى.
وبرصاصك وجلادك.
يا قتلانى ياحبسانى.
ومكسور فى سجون أرضك.
وانا فعرضك.
بغنى ليكى موالى.
يا فايرس فى الكبد ينهشنى.
يا امراضى وسرطانى.
يا عله فقلبى.
يا منعانى اقول عاشقك.
بدوب فيكى يا صاحبى واهلى وجيرانى.
.
يا صوت الطلق يا ريحة الغاز.
ياجثة يا هامدة وبتمدينا بالانفاس.
يا مرضانة وشفيانا وضربانا بسن الفاس.
يا دخان يا ازازة وكأس.
يا عاهرة يا طاهرة.
يا عشق يا ضحكة يا أحساس.
.
يا فطمانى على الخراطيش.
ومانعة عنى لقمة عيش.
يا سرداب الفاسده والدراويش.
يا ظالمة فى عشقى.
يا صحبة الليل مع الدرويش.
يا حاضنة عضامى فى أرضك.
بلفة خيش.
أموت واموت وهاهتف برضو بلدى تعيش.
مافيش قاضى يحبسنى فسجونك.
مانا من غير سجن مجنونك ومسجونك.
وأتوب من نظرة فعونك.
وعينى تطير اشوف بيكى.
وطلقة غدر تقتلنى اعيش ليكى.
إيمانى بربى وبدينى.
طوبا لكل من هيموت لأجل فمرة يفديكى.
.
ياامى وابويا واخواتى واهلى.
وصاحبى و بناتى.
يا اناتى يا ضحكاتى.
يا افراحى يا احزانى.
يا كل حاجة فالدنيا.
ياغازلة كفنى فى مماتى.
يا سجن يا أرض يا حرية.
يا ماسة يا اغلى شئ ليا.
يا قبلية يا بحرية يا بدوية.
يا ساحل بحر معجون بالهوى فيا.
يا شجرة يا وردة يا صبيا.
يا احلامى فعز الحزن.
يا جبارة يا زارعة الحلم ف عينايا.
يا رابطة اليآس ف ايديا.
يا صبرى المر عالبلوى.
يا متوى يا شك حبييتى تعيشى.
حتى لو ما كنتى هتعيشى فيوم ليا