{{{{يا دنيا}}}}
مش قوى كدا يا دنيا حملك علينا
خلى الأيام بخير وسلام تعدى علينا
مش كل يوم نصحى نلاقى الهم مستنينا
وكفاية ذل ومهانة فينا اللى مكفينا
إهدى شوية ريحى شوية
مش كل شوية جاية علينا
من صغرنا واحنا حياتنا
بالهم مالينا
تعبنا بجد والله تعبنا
مخدناش منك غير. تعبنا
مش كدا كتير كدا
اللى حاصل. . فينا
قلوبنا تاهت والحزن علم فينا
مش قادرين ناخد قرار.
من خوفنا منك. متكتفة ايدينا
كلماتى
الشاعر محمد ابوالعيون الغباشى