موال للى بيفكر:
""""""""""""""""""""""
يا رب مال الناس فى الحكمة بتفكر؟
و الرب رزقه كتير هو اللى بيدبر
يعطى قليل و كتير و الرزق من عنده
مالك بفكرك ليه للهم بتبرر؟
"""""""""""""""""""""""""""""""""""
هأحكى و أقول بكلام بالعقل و المعنى
و الكلمة لو تتقال باللحن لها مغنى
الفكر مهما يزيد عمره ما راح يكشف
حكم الاله مكتوب بكفاية سمعنا
"""""""""""""""""""""""""""""""""""""""
هأحكى كلام و اعيد عن دنيتك فانية
مهما تقول لعبيد العشق فيه ثانية
العشق لأجل الله بالقلب هيسيطر
فكر و عيد لكلام دى لحظتك دانية
""""""""""""""""""""""""""""""""""""""""
مهما تقول للناس الدنيا مقدورة
تفضل تعيد و تزيد بالجرى معذورة
أصل العمى لعيون بترابها تتغطى
قوللى و عيد بكلام فى دنيا مغدورة
""""""""""""""""""""""""""""""""""""""
آخر الكلام للناس فكر و عيش يومك
سيبها لرب الكون تنسى بقى همومك
القلب مهمن شال بايمانك العالى
تصرخ تقول الله نوره بمعلومك
"""""""""""""""""""""""""""""""""""""""""
بطلوا تفكير فى المجهول و فكروا بالمعلوم
د محمد وهبه