ما تفكريش
بقلم اميرة مجدي
ما تفكريش
ان البعاد هو الدوا
ولا تحلميش
ان احنا مش هنكون سوا
أنا في بعادك 
همشي سكة حبنا
وكل خطوة هتبعديها
هاقرب أنا مليون سنة
وكل لحظة هتعيشيها
هتبقي بينا متقسمة
وكل كلمة هتنطقيها
هسمع صداها من هنا
يا حب عمري اللي لقيته
وحلمت بيه وعرفته أنا
يا بسمة حلوة فوق شفايفي 
خلت ملامحي منورة
يا نسمة هادية هلت عليا
طفت حرارة الضنا
يا شوق سنين عدت عليا
مستني يلقي حضننا
ما تبعديش يا نبض قلبي
وتسيبي قلبي للعنا
ما نهجريش يا طير سمايا
وتهدي بيتنا وعشنا
ما نفكريش ان البعاد
يا حبيبتي هو الدوا