طبعك غدار
بتلف وبدور وبترسم الدور
كفاية منك قلبي مقهور
عشت معاك ع الحلوه والمره
قهوتي الزيادة شربتها ساده
معاك شربت المر بزيادة
كل يوم بيمر كالعادة
نستني طعم الفرح والسعادة
دموعي غرقت السرير والوساده
بقلبي حبيتك بحناني رويتك
كنت سكنك وسترك وبيتك
ذنبي اني حبيتك وهويتك
وبرموش عيوني خبيتك وداريتك
كفاية أبعد بعيد عني
حرقت كبدي ونشفت دمي
منك بعاني قليل المعاني
خسارة سهري طول الليالي
كنت حبيبي حبي الغالي
كنت الدنيا وكل أمالي
راجع تاني تبوس الأيد
أبداً سيدي كنت السيد
ياما مشينا والأيد فى الأيد
بكل هدوء أبعد بعيد بعيد
عوزه أعيش وآ كل عيش
كان نفسى معاك أكمل وأعيش
بعت العشرة ....والملح والعيش
هابدأ حياتي.......... ....من جديد
وهادعيلك تعيش وتعيش سعيد
أصل قلبي من نوع فريد
بيدعيلك تكون أسعد سعيد
..............عازف الألحان.................... 
........بدون آله أو كمااان....................
كلماتي
.............وليد العايدي.............