قصيدة : ( عذرا عزيزى الطبيب )

الاسم ملايكة الرحمة 
أحفاد أبو الشياطين
العمر مش عادين
فى حياتنا مأبدين
..............................
تجار زايع صيتهم
والمهنة الجزارين
بايعين فى أرواحنا
وزنينا ع السكين
.............................
خرجهم المدبح 
على سلخنا حيين
عايشين على جراحنا 
داهسنا بالرجلين
مناشير تاكل لحمنا
ناهبنا مش عاتقين
.............................
بيسكروا بدمنا 
كنتوا اعزموا بكاسين
قال ايه دكاترة طب 
طاب ارحموا المساكين
...............................
فى صحة التأمين ووكالة الصحة 
دى خرابة متزوقة كشفالك القصة
ترمش لها تريحك وهيا دى القصة
عينى على الغلبان اللى مالوش مأوى
مش لاقى حق الدوا ولا حتى يتعشى
وان يوم رماه العيا يبقى هيتوفى
وان يوم رماه العيا يبقى هيتوفى