جارى التحميل
استخدم زر ESC أو رجوع للعودة
الوجع
يا مستباح الوجع
مبقاش بيألمنى
لا عاد انين الألم
للقلب والننى
يفرق مع خطوتى
فهعيش واخطيها
اكسر عيون القمر
وابنى جسور الشر
وان جيت فى يوم اسألك
قول ... اصل ... اكمنى
ببنى طريق الامل
وعلى الرقاب راح ادوس
كل اللى صاحبه القمر
شايف ف ليله كابوس
يا منشف المية
فى النهر كان فيضان
يا مستباح الوجع
نسيتنى ليه ناسى
كل الصحاب بقوا عدا
وكل العدا اصحاب
كتب التاريخ تتحرق
والدم كان كداب
الارض لا بتنحنى
وشم النسيم فاضح
كل الاسامى اتنست
من زحمة الانساب
مبقاش فى شيء واضح
والفقر ع الاعتاب
يا سبع نجع الغلابة
الشعر شايب ليه
بتعزف وجع الربابة
ايه اللى فاضل ايه ؟
منصور عبد المقصود
