جارى التحميل
استخدم زر ESC أو رجوع للعودة
حورية
سهرانه بنت الجبل
على تبة العشاق
تحلم بضى القمر
تنزف من الأشواق
دمعه بلون النور
وبتلعنك يا فراق
لو كنت تملك قلب
كنت ارتويت بالحب
وحفظت سر الآه
ومسحت م الننى
ثوره بطلها العشق
وعيونها تسحرنى
يا ثورة العاشقين
أنا ماسك الرايه
عشق الأصيله أدب
أنا حافظه جوايه
لا بوست يوم خدها
ولا يوم مسكت الأيد
ولا قلت يوم كلمه
تخدش حياء الورد
يللى انتِ طعم الحياه
صبحت حياتى عسل
موتى فيا الآه
مات من حياتى الكسل
بهديكى من يدى
أجمل صباح طارح
فرحه يا عاشقه الفرح
نبتة أمل وإيمان
يا معنى للجنه
لما تكون ع الأرض
علمتى قلبى البريء
يستنى وقت الفرض
وزرعتى جوه العين
بسمه بلون الورد
منصور
