مصرى وراسي لفوق
والصبر عنوانى
ومهما طال الليل
مستبقى فى مكانى 
سرقوا شعاع النور
الجهل زنزانه 
قتلوا جنين الامل
الام شقيانه
صادروا حبوب الفرح
منعونا نتكلم
باعولنا وهم ومرض
وسابونا نتألم
وبكره مش باين 
ولا شمسه بتنور
والليل بقى مدد
يحكم ويتأمر
هب الولد واقف 
نفض تراب الموت
نادى على النايمين
اصحوا معدش سكوت
الثورة فى الميادين
ثورة على الطغيان
والرعب فى قلوبهم 
انجيل مع قرأن
نزل الجنين يهتف
شايلنه ع الاكتاف 
والشمس بتزغرد
تصرخ باعلى هتاف
عهد الظلام ولى
ونهارنا مش هيغيب
بكره الى جاى احلى
مبقتش فيها غريب
هبنى واوصلها
دره ما بين الكون
هزرع واخضرها 
ولا يوم عليه تهون