دستة الم
........... ..........(يسرى الصلاحى)
كتبت الحلم ع الهامش 
وسبت نهايته مفتوحه
سطوره انين 
حروفه اهات 
ممزوجه بدمع العين 
على ماضى منيش فاكر
نبت صبار فى ارض بوار
وكان الطرح كله مرار 
على حاضر مهوش حاضر
سقينا الحزن طعمه سكات
على بكره الى مش باين 
وليل الضلمة يتمدد
ونور الفجر مستعصى
بيخفت نوره يتبدد
وانا فى الحلم بتطوح 
مابين اليوم وبين بكره
مراكب حلمى غراقانه
فى بحر الخوف 
فى اخر سطر 
طاقه نور 
شعاعها بصيص
بيسرسب 
امل يوصل 
لاحلامى
يداوى قرحة الاوجاع
يبدد ضلمه الاحزان 
يجيب الفرحه من الشباك 
الاقى العمربعد ما ضاع
الاقى العمر بعد ما ضاع