هناك 
فى ذكرى قديمة ع الشباك 
بتضرب ف السكوت اوجاع 
وتحيى م ال فات احزان 
وتسرد للى كان ماضى 
قصص وبتاع 
وانا بسمع وبتحسر 
وايه كان ذنبه يتكسر
على ترابيزة الفرقة 
منين القدرة والجراة 
وجنب المكتب المليان 
صور وحجات 
وفنجال قهوة كان موجود 
يفكرنى بليالى زمان 
مليش غيرها 
مفيش الاها 
تشيل همى 
وتمسح من حياتى عماها 
تصبرنى وانا بتفرج 
على الصورة اللى مرمية 
ف احس بطاقة وهمية 
اشيل الصورة وارميها 
وارجعها خلال ثانية 
عذاب دا 
ولا دى دنيا 
وبتفرج وانا ساكت على البلكونة 
وذكرى الشاى ف عز الليل 
وبرد البحر وامواجه 
ومسكة ايد تزيد الميل 
وف البلكونة فى كرسى 
وكرسى كمان 
يجوز نسيناهم امبارح 
وجايز برضو اكون سكران 
م انا بتخيل الماضى كانه الان 
وادى سريرى 
كتاب الذكرى مرمى عليه 
وكل م انام يفكرنى 
نسيت اقراه 
‪#‎Ali_Adel‬