بقولك ايه
ماتيجي بجد
نتجدد
تروحي بعيد
واروح ابعد
ونتقابل صدفة في الشارع
او رحلة في طيارة
او يمكن وانا نازل
وانتي طالعة في عمارة
اغزلك بنظرتي الحلوة
تردي ببسمة م الاحلي
وشرارة الحب 
تقسم قلبنا لاتنين
واحلفلك انك بكرة هتكوني
من احلي الحاجات فيا
وانت تردي وتقولي
مش محتاجة اي يمين
و ارسم كل ما بحتاج
في عنيكي
الاقيكي
وكل اللي بتمناه
ماليكي
ونغزل عشقنا ضفيرة
ونتحالف
ابدا ما تهزيناش غيرة
ابص في صورتي اشوف صورتك
تبصي انت في مرايتك
تحسي بتحضنك صورتي
وادعي ربنا يبارك
ونتبارك
بصبري 
ايوه و بصبرك
اللي بعد ما مشينا الطريق
شفناه
ايامنا 
وسنينا
بتهادينا احلي حياة
تعيشي حبيبي جوه عيوني
واعيشلك
وحبنا طول العمر 
مايتكرمش
يتمدد
ونفضل 
نحضن ذكرياتنا في امبارح
عشان ديما
امبارح بتاعي انا وانتي
بيتجدد
ويتجدد
محمد_صبري