حكاية الهرش

بقلم ـ نصار عيد سالم

سالم الهرش حيفضل على مر التاريخ للجهاد عنوان من رمز التحدى و الصمود بكل قوة قال ما همه عدو جبان فى الحسنة كان المؤتمر هنا و أعلنها للعالم إحنا مصريين و زعيمنا جمال كلمة هزت الدنيا ساعتها و نقلتها وكالات الإعلام فى كل مكان و بنقول لا لتدويل سينا و ألف لا و أنتم محتلين لينا و ما همه الكيان و بكرة حيعود الوطن و ترحلوا عنا بشجاعة قالها و عزيمة و إيمان و قدم لمصرنا نموذج و عمل و قدوة تحكى عنها الدنيا و الزمان ما هو أبن الكرم رابعة موطنه و البياضية قبيلته و مصر أغلى الأوطان و تطايرت أوراق ديان مع الريح و أنفض مولد الحسنة بعد ما الحق بان و رجع الشيخ البطل مرفوع الراس و الهمة لمصر حبيبته شامخ البنيان و مع أم الدنيا كان موعده و استقبلوه بكل حفاوة بالحب و الأحضان بعد ما سطر بحروف من نور فوق جبينه التاريخ بطوله حتحكى عنها الأزمان هم دول ولاد سينا و الكل حيعرفهم ماضى مشرف و أظن آن الأوان للطفل هنا و هناك يقرا و يسمع و يشوف مين اللي وقف للعدوان و مين الي صنع ويا الجنود نصر أكتوبر و رجع لمصر جزء غايب عن الأوطان و الهرش واحد من أبناء سينا اللي ضحو و تحدو العدو لأجل ما يعيش الإنسان مش حاحكى عن نفسى ما أنا من ولاد الهرش اللي عبروا فى أكتوبر و صنعوا المحال و أنا جاى النهارده أقول للدنيا إحنا أبناء الشرفاء اللي حمو سينا من الطوفان و بأقول لكل قلم و لكل إعلامى تعالو و أكتبو عن البطولات من غير بهتان و أعـــرفوا على الطبيعــة مجـــاهدين سينــاء اللي منهم الـهرش أغلى الفرســـــان