زماني رماني      خذه احبابي وسباني

شمس غابت  كمرغرب      سهم عينه دهاني
مصيبة    رهيبه    على الحرة الغريبه
دماء بكربلا وعسكر     كطع روس الشبيبه
**
كلبي انجوة نار الحزن بالحزن مترع كاسي
حين الشفت سيف الشمر يذبح بخيرة ناسي
ماااااااات الامل يوم الوكع فوك النهر عباسي
مثل الشمع نار ودمع والنار تسري براسي
دليلي    ولا يحصل    مثيلي    حدة بضعني

   علم غربة   بعد راية كفيلي
كتيبه رهيبه ولت عيله سليبة

الدماء بكربلا وعسكر كطع روس الشبيبه
****
حيرة وعسر غربة واسر والعدو اشتد عناده
والفرج طالت غيبته مثل انحبس ميعاده
جمر الحزن بي فد طبر يشد عزمة من رماده
وجمرة رقيه ويه النحر طول الدهر وكاده
لهيبي نصيبي بعد مقتل حبيبي
دمع عيني كره خدي ولا بطل نحيبي
مصيبة عصيبة جرح يائس طبيبه

دماء بكربلا وعسكر كطع روس الشبيبه
****
من خدري ينحاك الخدر وانا مثال العفة
ميزان عمري اتعدالت قتل الحسين وطفة
واسر العليل وعلته والخدر وحدة بجفة
ضاع الخدر ريح بشبك وابن الدعي يتشفه
حجابي خطابي رسم قصة عذابي
كلامي بمجلس عرض صورة مصابي
عجيبه غريبه لمن اوكف خطيبه

دماء بكربلا وعسكر كطع روس الشبيبه
****