لو مشيتوا تبقى بس الذكريات
هنا گعدنه هنا لعبت ويالخوات
هنانه عبد الله ينام
هنا صدى ضحكه وكلام
تبقى بس الذكريات
...................
ياما ياما شگد گعدنه هنانه والتم الشمل
هنا أشم ريحة رقيه واسمع مناغه الطفل
خيه خيه بصوت سكنه وحلوه يسوالف قبل
ياغربتي البيهه اعيش الفرگه ابد ما تنحمل
ماتت احلامي العشتهه ويالسفر
بس ضلام الليل لو راح الگمر
شهگه ووداع وسلام
هنا صدى ضحكه وكلام
تبقى بس الذكريات
...................
يا اهلنه عندي وياكم حجي شگد وعتاب
شنهي صاير لو اروح وياكم انطوني الجواب
امشي وياهن خواتي گليبي ما يحمل غياب
ولو يجيني الليل انامن حته لو فوك التراب
انه اريد احيى واموت ويالاهل
شلي بالدنيه لون مات الامل
يحرم عليه المنام
هنا صدى ضحكه وكلام
تبقى بس الذكريات
....................
بويه لو ازحف زحف بس لا تخلني ويالغرب
هم تسندني سكينه وامشي وياها الدرب
تدري عمري بلا رقيه ولا رضيع شگد صعب
شلون اوصلك سلامي ودمعي من عيني اليصب
والدرب للطف يبويه شگد بعيد
بويه لو تاخذني وياكم أريد
ليكم اشتاگ بهيام
هنا صدى ضحكه وكلام
تبقى بس الذكريات
......................
بويه لو رايح بعيد عليك ضلع أم الحسن
وصي عماتي وخواتي لو مشن ويه الضعن
بويه خيدارن رقيه خاف بويه ايتيهن
وحده تلزم بيد وحده خاف بالطف ينسبن
الزمان شلون لو بيهن يخون
خاف ليهن من ينادن ما تجون
لو يحركون الخيام
هنا صدى ضحكه وكلام
تبقى بس الذكريات
.......................
تحجي ويزينب سمعتك لو وصلنه الكربلاء
تگلهه ما ترجع رقيه اتشوفي من بعدي البلاء
خل تودعها العليله ما اضن يصلح لقاء
یصبح ازرك كل جسمهه من الضرب مابيهه داء
وداع لو راحت بعد ماضن تعود
خويه بالطف تذبل هناك الورود
تودع اخوان وعمام
هنا صدى ضحكه وكلام
تبقى بس الذكريات
نسألكم خالص الدعاء
