يــارقيــــــه -- ثوبچ المحروك عيني تشوفـــه
هـالمسيـــه -- جفوفچ زغار بحبل مچتوفــــه
هله هله دمعتج -- بالخرابــه موتتجــچ
هـــالمسيـــــه -- هـــالمسيـــــه
********************
مــن زغـــر سنچ يعمـــه وشفتـي منحــــر
اضــــن لـــو جبريــــل حاضرهم ميگـــدر
لـــو نبـــي هـــم چـــان مــات وماتصبــــر
حگــــــه گلبــــچ يارقيــــــه لـــــو تفطـــــر
دمعــه روحچ -- طلعت من اعيونچ اعله الغالــي
مــن جروحچ -- صوت فت الصخر وي دلالـــي
يامصيبه مصيبتچ -- بالخرابه موتتچ
هــالمسيــــــه -- هـــالمسيـــــه
***************************
يارقيـــــه اعلـــه النحـــر لمــــن بچيتـــي
چــان كـــل ضنــي بعدهـــا انتــــي غفيتي
أنضـــر الوچهـــــج تغيـــــــر وانتهيتــــي
للمنيـــــه بسرعـــــه چنــــــج سلميتـــــي
سرعه سرعه -- هيچ صارت روحتــچ عفتينـــه
نجري دمعـــه -- بالخرابـــه الفگــدچ تخلينـــــــه
عمـه صعبـه فرگتـچ -- بالخرابـه موتتـچ
هــالمسيــه -- هــالمسيــه
***********************
عمـــه حگـــچ مــا ألومـــچ مــن تموتيـــن
شفتـــچ بنــص الجمـــر لمـــن تركضيــــن
نــــار بثيابـــج ومـــن خوفـــچ تصيحيــــن
انتــــي بنـــت حسيــــن حكــچ تستهضمين
رحتـــي يمــــه -- كــــل رجــاج الوالــــد تكعدينــــه
شفتـــي دمــــه -- مــــن الحوافـــر كمتـــي تحامينـه
هــاي تالــي رگضتــچ -- بالخرابــه موتتــچ
هــالمسيـــه -- هـــالمسيـــه
*********************
ليلــــة الحـــــادي عشـــــر لمـــــن فكدتـــچ
رحــــت أركـــض يـــم ابــوج هنــاك شفتـچ
عالجســـد طحنــــه ســـوه لمــــن شبكتـــچ
بويــــه مــــاي تريـــد گتيلــــه وسمعتــــچ
دمعـــه حمـــره -- مــاي مــا حصلــت بــــس بچفونـــي
گطــره گطــــره -- بويــــه اشــــرب مــاي مــن اعيونــي
راح منــج سلوتــچ -- بالخرابــه موتتــچ
هــالمسيـــه -- هــالمسيـــه
**************************
يارقيــــه وهــــذا حالــــج عگـــــب اهلـــــچ
هالطـــرق كلهـــــا مشيتيهــا اعلـــه رجلـــچ
يــاهـــــي تحمـــل هالهظــــم كليلــي مثلـــچ
بحضـــن أبوهـــا تنــــام ياعمـــــه البحلـــچ
ياغريبـــه -- ردت ارجـــــع بيــــچ لارض طفوفهـــــا
ياحبيبـــــه -- گلـــت بلچــي حسيـــن عينـــه تشوفهـــا
واللــه محنــه محنتــچ -- بالخرابــه موتتــچ
هــالمسيــه -- هــالمسيــه
***************************
حسيــــــن چاخمّــــد ونينــــه لــو رجعتـــي
ﻻربعيــــن حسيـــــــن ياريتـــــچ صبرتـــــي
أمّنـــچ عنـــــدي أمانــــــه ومنــــي رحتــــي
بـــــس شبكتــــي الـــراس ياعمـــه رحلتــي
وبرجوعــــي -- شــراح أگـــل لحسيـــن مــن أشچيلـه
بس دموعــي -- ويـــــاي أخذهــــن الــــه وتحچيلــــه
أضـــن يسمــع ونتــچ -- بالخرابـــه موتتــچ
هــالمسيــه -- هــالمسيـــه
**************************
