آه واويلاه عبد الله الطفل
صوّبه الرماي بالنبله النذل
--
آه واويلاه عبد الله انذبح
نبله گطعت نحره وبدمه سبح
چم گلب سهم المنيه اللي جرح
وچم جفن دمعه اعله عبد الله يهل
-
آه واويلاه أمه تنتحب
ليش ابني ينحرم ماي العذب
ياذنب عنده وجنايه ياذنب
بيد ابوه هالطفل ضامي ينچتل
-
ناس مابيهم فرد واحد سوي
وگال هذا الماي بيه خل يرتوي
ابجمرة اظماه هالطفل ظل ينچوي
والعطش عاليرتضع ماظن سهل
--
راح عبد الله أخذ عمره القدر
بعد مالزموا عليه ماي النهر
ابچبد الاسلام السهم خلف أثر
ماشفه والالم لساعه يصل
--
امة الاسلام والدين السمح
اشلون تقبل طفل ضامي ينذبح
ينزف الهل حين ظل هذا الجرح
ذنب لامايغتفر هذا الفعل
