جارى التحميل
استخدم زر ESC أو رجوع للعودة
- فى عالم الفيس مررنا بتجارب عديدة معظمها كانت نهايتها الفشل و قليل من الأصدقاء الأوفياء و إن ندروا لكنهم موجودون .. فإلى تلك الهياكل الآدمية التى أدمتنا معرفتهم أقول لهم ....
عالم الفيس
----------------------------------
عالم النت و عالم الفيس
ملـيــان كذب و دروس
ناس تقـول أنا من بـاريـس
و هيَّـه عـايشـه مـع التـيس
اتيكيـت و برستـيــج و طقــوس
أسطـورة ايـزيس و أوزوريس
و هيَّه جـايه من ورا الجامـوس
تربية شــوارع و شويـة سـوس
تقطع ف الأخلاق زى الـمـوس
عايشه ورا الستـار زى الطـاووس
و الحقيقة شحـات للأيـادى بيبـوس
مستنى منهم أى احسـان أو فلـوس
و نـاس داخلـه تنـصــب ع الفيـس
تحـت شـعــار الحـب و التـدلـيـس
اسمه مستشار و دكتـور تخسيـس
و ف الحقـيـقـة واطـى خـسـيـس
دكتور من غير عيادة و هوَّه ممسوس
و يقــول لك أنـا ســاكـن ف رمسيـس
و هو ســواق على عربيـة رمسـيـس
كان حرامـى ف غـسـيـل محبـــوس
العـيـب مـش علـى الـفـيـس
العيـب على زبالة النفـوس
عايزة تبقى شـئ ملمــوس
على قفا غلبــان ملحـوس
أو ملكة زى بلـقـيـس
نصب و احتيال و تدليس
حتى لو على الناس هيدوس
و يحوِّل حـال سعيـد قديـس
لحـال منـه ميـؤوس
حال الدنيا زى حال الفيس
ضاع فيها الناموس و القاموس
---------------------------------
بقلمى // مهندس _ محمد امام
