جارى التحميل
استخدم زر ESC أو رجوع للعودة
سؤال مش لاقى له جواب
-------------------------------
كل يـوم كـورة و فـزورة
و أفكار هـادمة و مسمومة
من بنت حلـوة و أمــــورة
تلـغـى عـقـلك بجمـالهـا
و توقعـك فى الجــورة
الـواد مش عـايز يتعلـم
عايز له كل يوم صورة
تطلع ف الجـرنــان
عشان الناس تبقى بيه مبهورة
لا عـايــز يتـعـلِّـم و لا يـفـهـم
ان كل ده شبــــورة
يقولى عايز أبقى لعيب كورة
أو أبقـى فنــان زى سمّــُورة
أتعـلـم ليـه و أتعـب نـفـسـى
و أخلى حيـاتى محصــورة
دنـــا هــاخــــد بالـمـلايـيـن
و أبقى فتى أحلام السنيورة
هاخد ايه من الهندسة و المدرسة؟
يا بـابـا أنا عـايـز عيشـة مريِّـشـة
انت شايف ان أجـورهم كويسـة ؟
المــدرس بتـاعـنــا جـالـه القـلـب
مش عارف يتعالج و بقى بيسب
حالـه يصعـب و مـالـوش ذنـب
بيسـتـلـف تمــن عـلاجـه
مـن كل مـن هـبَّ و دبَّ
ما بقتش عـارف أقنعـه إزاى
و بقت حجتى معـاه مكسورة
يا تـرى حــد يـقــدر يقـنـعــه
و لا كلنا مش شايفين الصورة؟
--------------------------------
بقلمى // مهندس محمد امام
