انا شاعر بقلم محمد العمدة

انا شاعر
للشاعر محمد العمده
ولا بكتب للسياسه ولا احبها
دا كله كلام غلاثه طول عمرها
دى سيره بتكره الناس مع بعضها
والصحاب تصبح اعداء ودا اقلها
طيب ليه اتعب نفسى واكتب لها
هى هويه المصرى فى شِعرها
دى مصر اكير من الكل وقد هما
ولامحتاجه وصف من حد حولها
بلاش يا شاعر بكلامك تجرحها
وكل وصفك ليها تدوس وتدمعها
انت فاكرها ايه ؟ مصر ربنا معها
فوق يا شاعرواكتب زى ما تحبها
بس اياك تتعدى على غيرك بها
واللى يقرا سياسه بعيد عنها
ليه تخلى الكل واخد موقف لها
والكل عارف انه مصر بنحبها
ولما تقرا تعلقلى كلام فـ حبها
مش تقولى زيد وعيد فـ جرحها
والتعليقات تبقى ماشيه فـ حبها
وخروجنا بره النص اهانه لها
بص انا مقلتش بلاش نكتب لها
ولا بلوم اللى بيكتبوا فى حبها
بس السياسه بلاش نقرب لها
والكل عارف فى نفسه أدها
وعارفين مين فينا اللى ظلمها
ومين اللى ساكت على حقها
وان كان كلامى فى ناس يزعلها
حقك عليا انا بخاف بجد زعلها
وزى ماقلت انا شاعر ومصر بحبها
بس السياسه مش لازم اكتب لها
شاعر ومش مستنى شهرتى بها
ومش لازم الكل يعلقلى ويعجب بها
اصل الجدعنه دى فى ناس اهلها
زى اللى يقرا كلامى ده وبيحبها
خليك واضح فاهم قصدى وقصدها
قصدى نحاقظ على حبنا بجد لها
ولا تخسر الناس بسببها اعز ما ليها
ان كان كلمه وكلمتين ماشى نعديها
وان طال حوارنا لازم نقفله ونخليها
احسن تفتت عشرة ناس من بعضيها
ونندم على كل حرف بنكتبه ليها
طبعا بتكلم على السياسه مش ليها
دى ليها ناسها هما مش احنا اولى بيها
سلام يا صاحبى سياسه غلاثه بلاش منيها
دنا شاعر ولا احب السياسه ولااكتب ليها
اصل دى غلاثه وبتفرق الناس من بعضيها
انا شاعر
كلمات للشاعر محمد العمده