يعنى ايه بلدى بقلم شعبان مكى

يعنى ايه بلدى

يعنى كل حاجة حلوة
يعنى اجمل لحن غنوة
يعنى اللى ف القلب م جوه

يعنى ايه بلدى

يعنى كل ناسى و اهلى

مهما كام غريب ندهلى



يعنى العشرة و الجيران
و الصحاب بتوع زمان
و ذكرياتى ويا المكان

يعنى اصلى و يعنى فصلى
يعنى مكانى جوه فصلى
يعنى مدرسى و مدرستى

يعنى الحكاية م زمان
و مهما يجرى ومهما يحصل
فينا الوفا و الخير متأصل
و عمرنا م ف يوم نقصر
و مهما يجرى مش هيأثر
ده لحمها هو لحمى
و جلدها هو جلدى
و بيا و م غيرى هتعدى
و يبقى خسيس و جبان
اللى يقول انفد بجلدى
و اللى زى ده مش عايزينه
و ميشرفش اللى عارفينه
كفايه ان اقل حاجه
انهم متجنبينه
المهم انا روحى ليكى
لان روحى اتولدت فيكى
و هندفن برضه فيكى
م الاخر هموت عليكى
مش روحى بس و روح ولدى
تأمرينى بس يا بلدى
اقدم ليكى أبنى لبكره
و ليا الشرف و لا ف يوم أكره
أنه يبقى خدام رجليكى
لان عارف روحى مش كفايه
و لا ان بموتى هتبقى النهاية
و اتمنى اكون نقطة البداية
ان اشوف ابتسامة عينيكى
و بحبك يا بلدى
و مفيش أغلى عندى
غيرك و أمى
و لانك أمى
فأنا خدامك و روحى ليكى