جارى التحميل
استخدم زر ESC أو رجوع للعودة
أسكت
أسكت وما تتكلمش و
ما تفكرش أبوس رجليك
يا قلبي هاتحرم عيني
من ضحكتها وخوفها عليك
دي هي الهمسة وهي
البسمة وطير طاير حواليك
وهي السحر اللي يخلي
الدنيا بتضحك في عنيك
وأفتكر أنها صاحبة و
عمرها ما هاتبقى ليك
مش معنى أنها صانت
تبقى يا قلبي خلاص حبيتها
لو فاكر إنها تفرح لا
بالعكس هاتبقى أذيتها
إزاي بتقولك نفسك تجري
أوام وتطلب إيدها
ولو فكرت تقولها أصلا
صدقني هاتخرب بيتها
أنساها يا قلبي بإيدك
إسمع مني بلاش تتغابى
أحسبها وشوف المكسب
أصل الدنيا في ذاتها دي غابة
مافيهاش غير واحدة بس
وكل البشر من غيرها ديابة
أبوس رجليك خليها ما بينا
دا احنا يا قلبي غلابة
بقلم /أحمد البحيري
