عم يا جانينى للشاعر فرج برعى ابراهيم

 ..عم ياجنايني ..

عم يا جنايني وردك طرح شوك ليه مجنني..
قولي ليه وبالراحه ومن الكلام فهمني..
قالي حقولك سبب من الاسباب وامانه
عليك ياابني متظلمني...
كان ليا حبيب في القلب زمان هجرني
من سنين وغاب عني..
كان كل ماليا وشايله في العين والنني..
كان ليا حضن دافي وبغرامه وافي
وبالحب كان بيعلمني..
كان برمش عيني ومن نظراتي يفهمني..
وفي يوم هجرني حبيبي ماعرفش ايه
السبب ولا التقصير كان مني..
فضلت ابكي عليه سنين وسنين
وف قلبي جرحو بيئلمني..
وبعتله كتير مراسيل مع الهواء يمكن
في يوم يطمني..
لجاني جواب منه ولا الهوا مطمني..
بكيت عليه بدموع العين وع الخدين
تسيل مني..
اتااااااري ارضي اتروت بدموووووعي
وطرحت ورودي شووك وده ال مجنني
ولو فهمت ياولدي ايه ال حصل
امانه عليك تفهمني
.........................................
بقلمي/فرج برعي ابراهيم