ابنى حبيبى
................
لو لقيتنى ف يوم ساكتة
اتكلم انت
يمكن اخرج من سكاتى
و اتكلم معاك
لو لقيتنى ف يوم باكية
اضحكلى انت
يمكن ضحكك ينسينى
دموعى و انا وياك
و لو لقيتنى ف يوم سرحانة
من غير ما اقول لك كلمة عتاب
اسألنى مالك زعلانة لية
يمكن الاقى لسؤالى عندك جواب
و لو لقيتنى ف يوم ثايرة
من كتر اللى فيّة
خدنى ف حضنك
ضمنى طبطب عليّة
دة انت ابن عمرى
و اجمل هدية
لو انت قسيت عليّة
مين بس هيحس بيّة
.................
عزة الشربينى
