تحدثنى عنه بقلم احمد البحيرى

تحدثني عنه
حبيتها وعمري في يوم
ما نسيتها رغم القلب نساني
مش قادر أنسى في يوم رقتها
و روح كانت عاشقاها
منك لله يا للي دخلت
ما بينا حرمت لساني
من أجمل كلمة حب
يقولها القلب للي هاواني
دا أنا كل ما أفكر أنسى
ألاقي خيالها في لحظة نداني
ولما وهبت لنفسي الكدب
فجأة ما لقيتش كياني
وساعتها عرفت إني هاموت
وصورتها ساكنة وجداني
و بعد سنة وأتنين وتلاتة
رجع العمر و شوفتها تاني
ما قدرتش أصبر ثانية
طلع القلب عشان يغازلها
والقلب سقط في مكانه
لما لمحت الدبلة في أيدها
باكيت وحاولت أداري
بس أتاري الهم شديد
وعشان ما أجرحش حبيبتي
ضحكت وكأن اليوم دا العيد
ورجعت دمعتي تنزل مني
وهي تقولي في أيه؟
ولاقيتها بتخرج مني
ممكن تحكيلي عليه؟
وفرحت أنا لما لقيتها
بتفرح لما بتوصف فيه
ولما قالتلي يا أخويا فرحت
بكيت وفي نفس الثانية
ما قدرتش أحبس دمعتي
قدامها للمرة التانية
وبرغم إن الأحساس بقى
زي الماس وبيحرق فيا
حلفت إني أفضل ليها
دي هي الفرح وهي الدنيا

الشاعر / احمد البحيري