ياريت ما علمونى للشاعر رضا ابو الغيط

* ياريت ما علمونا *

علمونا ف المدارس إن ظلم الناس حرام
علمونا ف المدارس إن قتل الناس حرام
بس نسيوا يعلمونا ف المدارس نعمل ايه
لو ف يوم الجهل ينخر ف العقول بدل العظام
علمونا كل شيئ الا شيئ
علمونا يعنى ايه كلمة فريق
بس نسيوا يعلمونا نعمل ايه
لو أخويا جنب منى يوم غريق

علمونا إن لينا نبض قلب
علمونا إن خالقه لينا رب
بس نسيوا يعلمونا
نعمل ايه وإزاى نحب

علمونا ف الحساب ازاى نعد
وف القراءه يعنى ايه فتحه ومد
بس نسيوا يعلمونا نعمل ايه
لما يبقى بينا فاصل ألف سد

علمونا ف العلوم دمى لازم له وريد
علمونا ف التاريخ كِيف نبص للجديد
علمونا كل شيئ بس نسيوا يعلمونا
كِيف يكون الصبر بينا لما افقد يوم الشهيد

علمونا إن دينا فيه تسامح
ان شمس الكون بتسرح ف المطارح
بس نسيوا يعلمونا نعمل إيه
لما يبقى الغدر بينا شيطان وسارح

علمونا وعلمونا وعلمونا
علمونا ولا كانوا بيظلمونا
علمونا ازاى نحب
بس هما بيكرهونا

كلمات / رضا أبو الغيط