حوار ظريف بين بخيل و ضيف .. أتمنى يعجبكم
البخيل و الضيف
------------------------------------------
البخيل : تتعشــه و لا تنـام خـفـيـف
الضيف : أتعشه و لو بنص رغيف
البخيل : تشرب شاى و لا مانتش كيِّيف
الضيف : أشربه و لو سكـر خفيـف
البخيل : تنـام هنـا و لا علـى الرصيـف
الضيف : أنام معاك و لو على خط بارليف
البخيل : هتفـارقنى إمته يا سخـيـف
الضيف : لمَّـا تشتـرى لى شقـة بتكييف
البخيل : يا لهوى دا انت ضيف مخيف
الضيف : و أنـت غنـى عـن التعـريـف
البخيل : يعنى اسيـب لك الشقـة يا ظريـف
الضيف : أكيد هـوا ده إكـرام الضيـف
البخيل : بـلاش كوابـيـس و تخــاريـف
الضيف : أنـا بنـام تخــاطيـف
البخيل : أنا بخيل و راجل عنيـف
ممكـن أقـوم أجيب السيـف
الضيف : يعنى عـايز تقـتـل ضيـف
البخيل : انت الأشـكـيـف المخـيـف
الضيف : لا و الله أنا الـشـيـف
البخيل : عايز تاخد شقتى من غير تكاليف
الضيف : و تزورنى يوم واحد كل صيـف
البخيل : يا بنى أنا عيَّـان و قلبـى ضعيـف
و عامل عمليات ف الغضاريف
الضيف : هسيب ملفك ف المستشفى ف الأرشيف
وهستناك هنـا زى القط الوليـف
البخيل : البيت مفبهوش حاجة .. نضـيـف
الضيف : ما أنت هتسيـب لى مصـاريـف
عشان الأكل و الشرب و الكيـف
البخيل : أنا مش لاقـى معــاك تصــريـف
الضيف : سيب البيت و هتبقى راجل شريـف
البخيل : يا رب أصحى من الكابوس المخيف
الضيف : أنا قاعد و مستنى أهلى من الريـف
--------------------------------------------------------
بقلمى // مهندس _ محمد امام