جارى التحميل
استخدم زر ESC أو رجوع للعودة
ساعات
------------------------------------
- ساعات روحى تسهّينى
وتخرج بالساعات منّى
تغيب عنى وتنسانى
وتتشرد بعيد عنّي
وترجع طفله من تانى
بتعشق رنة الضحكه
وتتشاقى مع المطره
لا خوف ممكن يخوّفها
ولا تسألشِ ايه بكره
خيالها طيف بيتمرجح
ما بين الشجره والشجره
وكام عصفوره ويّاها
ترفرف بجناحات خضره
براءة طفله جواها
طهارة مريم العدرا
ورغم البرد والمطره
على جبينها الربيع دايم
مافيهشِ خريف بيتلّون
ب ألوان السما السبعه
ولما تنتهى الرحله
بريحة العفره وتعبها
يخربش ف الحشا قدمها
وتتسرسب لأحضاني
وتسكن فيّا من تاني
ف أحضنها واطيبها
تبص لعيني تخجلنى
ف امسح دمعه من عينى
ومن عينها .
وأوعدها
كتير مرات نكررها
اسيبها كتير تسهينى
وترجع طفله من تانى
وأعمل نايمه واسيبها
