جارى التحميل
استخدم زر ESC أو رجوع للعودة
يا عم مينا
أصحى من ترابك يا عم مينا
وتعالى شوف اللي بيحصل
لو كنت عايش ما بينا جايز
كان شعبك يهدى أو يخجل
جمعت قطرينك شمال وجنوب
وبالفرقة عمرك ما بتقبل
بس المصيبة يا عم مينا
الورد في بلدنا بقى بيدبل
الفرقة رجعت من تانى
والسلاح طايش ما بيعقل
شعبك بيقتل فى بعضه
وميزان الدم دايما بيتقل
لو كنت شاكك فى كلامى
أو شايف أنى معرضها
إطلع من ترابك...شغل دماغك
إنزل بلادك .... لف وأسأل
ولو لاقيت أنى كداب
ساعتها يا سيدي إبقى أزعل
ولو لاقيت كلامى مظبوط
يا أما تحلها يا تسيبها وترحل
بقلم / أحمد البحيري