جارى التحميل
استخدم زر ESC أو رجوع للعودة
سيبيني براحتي اهواكي
سيبيني أقولك بحبك
بيني وبين نفسي وعنيا شايلاكي
ست الحسن صوره راسماكي
ولا عمري هقولك حب ...
ولا عمري هطلب القاكي
وإن جات على القلب
فيا مرحباً بالصلب
فدا عنيكي ،
وامشي عليه حافيه وانزعلك منه أشواكي
ما تخافيش ، روحي عاشقاكي
ولا عمري هسمح للساني يجرحك
ولا هسمح لعيوني تتجرأ وتنساكي
سيبيني براحتي أهواكي
وارسمك على جدران مدني
وألاقي أحجارها حباكي
وضماكي
روحي مني ، وابعدي بجنتك
ما فكرت يوم بيا اربطك
ولا حلمت بإيديا طايلاكي
كله اللي طالبه منك
تسيبيلي عنيا جواكي
تسيبيلي شعره من شعرك
تحييني وتواسيني ف ذكراكي
ارجوكي طلبي الوحيد
تسيبيني براحتي اهواكي
