شهادات المكون المحلى الصناعى:

دي بتبقى شهادات خاصة بالمصنعين اللي بيبقى عندهم سجل صناعى , سواء بيصدروا أو بيدخلوا مناقصات حكومية

بتكون عبارة عن دراسة لتكلفة المنتج سواء كان بالقطعة أو بالكيلو أو بالجرام  أو حتى بالطن وعلشان تستفيد بيها لازم تكون معدى نسبة 40%

أول خطوة بتبقى فى إدارة التصنيع المحلى بالهيئة العامة للتنمية الصناعية , بيتم تقديم ملف الدراسة وبيكون عبارة عن:

1- صورة السجل الصناعى.

2- طلب الخدمة.

3- عينة فواتير من كل خامة داخلة فى العملية التصنيعية (من أول المسمار حتى الصاروخ) ولو فيه مشتريات خارجية ترفق معها الإفراج الجمركى.

(موضوع الفواتير ده معقد حبتين لأن لو الفاتورة من مصنع له سجل صناعى بتتحسب "محلى" لو مش من مصنع بتتحسب "مستورد" )

4- أخر ميزانية معتمدة من الضرائب وياريت يبقى فيها تحليلي للمصاريف الإدارية والتشغيلية والتسويقية (لو فرضاً كانت 2023 يبقي لازم الفواتير تبقى فى عام 2023).

5- صورة من غرفة الصناعات (شهادة إتحاد الصناعات)

6- بيان بالعملية التصنيعية بكميات الخامات الداخلة فيها.

7- كشف خامات محلية.

8- كشف خامات مستوردة.

9- طبعاً فيه مستندات تانية لو بتصنع مستحضرات التجميل (لازم ترفق بيان التركيب المعتمد من إدارة الصيادلة) أو بو بتصنع لوحات كهربائية (لازم ترفق الشوب دروينج موضح عليه القواطع وأبعاد اللوحة....) وهكذا

بيبقى فيه معاينة فنية ومراجعة للمستندات..

تانى خطوة بتبقى فى إتحاد الصناعات المصرية:

1- لازم تكون مسدد الإشتراك للغرفة عن اخر عام مالى.

2- بتقدمها فى إدارة المكون المحلى وتستنى 24 ساعة وتستلمها.

طيب إيه لازمتها؟

علشان لو بتصدر منتجاتك خارج مصر بتاخد حاجة إسمها "دعم صادرات" ودي بتتحسب على أساس نسبة المكون المحلى

لو نسبتك من (40%-59%) بتاخد مثلاً 5% من قيمة الشحنة

لو نسبتك من (60%-79%) بتاخد مثلاُ 7% من قيمة الشحنة

لو نسبتك من (80% فيما فوق) بتاخد مثلاً 10% من قيمة الشحنة

ولو بتدخل مناقصات حكومية لازم تكون نسبة المكون المحلى بتاعك تبقى فوق ال 40%

ولو بتعتمد اللوحات الكهربائية أو محولات التيار أو اي منتج تانى فى وزارة الكهرباء

لو محتاج تسأل أو تستفسر عن حاجة كلمنا وإحنا هنرد عليك, خبرتنا أكتر من 8 سنين فى مجال إستصدار شهادات المكون المحلى أو الرخص الصناعية أو تأسيس الشركات أو كل ما يتعلق بهيئة التنمية الصناعية وهيئة الإستثمار وصندوق دعم الصادرات والرقابة الصناعية وغيرها من الجهات والهيئات الأخرى تواصل معنا

تليفون: 01003799505

واتساب: 01064635758

أو شرفنا بمكتبنا عمان سنتر مدخل أ الاردنيةالعاشر من رمضان الشرقية