يا رصاصة الغدر فوقي
قبل ما يفوت الميعاد
واقطعي الارهاب و ايده
قبل ما يدوس ع الزناد
بص مين واقف قصادك
التتار ولا اليهودي
هو ابني وقام و سابني
راح عشان يحرس حدودي
انتوا بلوي للعباد
كل ذنبه حامي ارضه
كل همه يصون في عرضه
لف علمي فوق جبينه
مصري مولود بالجينات
الخيانه ماهيش ف دمه
وابقى بالنسبه له امه
هو ومعاه الولاد
قبل ماتروحي تصيبيه
تحرميه من نور عينيه
استعيذي من الشيطان
واللي قالك انه خان
او يقول ابنك جبان
كدبيه .. والعنيه
ف صوت جرس او صوت ادان
ابني حافظ للوداد
عمره ما يعرف حداد
قوم يا مصري وقول معايا
أرض سينا مش ولايه
فيها موسي ناجي ربه
والمسيح زارها وامه
مصر مهبط الديانه
في التاريخ مليون حكاية
مش راح احكي عن زمان
ألحكايه دى النهارده
شاب مصري ربه حبه
حرف اسمه زى وصفه
كان مصاب طلقه في جنبه
جت أوامر سيب مكانك
رتبته خافت عليه
قال سامحني بلاش يا افندم
ترضي ليه افرط في عرضي
أو اسيب للوغد ارضي
طب أقول انا ايه لامي
لما يجي امر ربي
قبل ماينول الشهاده
ادي كل اللى عليه
فات مكانه نضيف وطاهر
باللقا فرحت عينيه

كلمات / متضامن مع جيش بلدنا
وشهداء بلدنا تحيا مصر تحيا مصر تحيا مصر