أعظم وصفة تخسيس تناسب المصريين وعن تجربة
زمان كان خبراء الرجيم بيرجعوا سبب السمنة ان عادات الانسان العذائية هى السبب وحجم كمية الاكل اللى الانسان بيتناولها يوميا واذا تناول كبيرة كبيرة سوف يزاد وزنة اما اذا رشد استهلاكة للاكل وتناول كمية اكل قليلة وزنة ح يبدأ ينزل او على الاقل ح يثبت وزنة
الجديد دلوقتى فى علم التغذية ان عادات الانسان بريئة من زيادة الوزن ودا لانهم اكتشفوا ان فى بشر بتاكل عالطول بس مش بيزيد وزنها حاجة غريبة طبعا وقالوا ان اكيد فى سبب غير كدة فى علماء اتجهوا الى الوراثة وفى عالم اتجهوا للجينات وأكتشاف الجين المسبب للسمنة الا ان الموضوع ح ياخد وقت كتير طبعا انما مجموعة تانية من العلماء اتجهت لدم الانسان وطبعا كلنا عارفين ان كل البشر اربع فصائل دم O و A و B و AB
وسأل العلماء نفسهم ليه البشر مختلفين فى فصائل الدم قعدوا يحللو الموضوع لاغيت ماأكتشفوا سر غريب جدا ان كل فصيلة من فصائل الدم ماهى الا تعبير عن حقب تاريخية من عمر البشرية بمعنى ان الانسان الاول بدء بفصيلة دم O لانة كان بيعتمد فى طعامة على اكل اللحوم بصفة خاصة وبيحلى بثمار الفاكهة ووبس لاعمرو زاد وزنة ولا حاجة ولما الانسان تطور شوية وبدأ يزرع طعامة فى جزء من البشر كبير تأقلمت اجسامهم مع الزراعة وتغيرت فصائل دمهم وبقت فصليتهم A ودوال كان يعتمد اكلهم على القمح بشكل رئيسى بيكلوا عيش ومعجنات بشكل كبير
ولما البشر قدروا يروضو الطبيعة واستئنسو الطيور بشكل خاص زى الفراخ وبيضها والحمام وغيرها واعتمدو بشكل خاص على اكلهم عليها اتغيرت فصيلة دمهم الى B
أما بعد البشر اللى استئنست بعد كدة الحيوانات الكبيرة زى الجاموس والبقر وبدأو يعتمدوا فى اكلهم عليها بشكل خاص ويشربوا حليبها اتغيرت فصيلتهم الى AB
ولما الاتصال بين البشر بقى سهل والامور دخلت فى بعضيها والشمال جه فى الجنوب والشرق دخل فى الغرب وبقت سلطة واللى قدمنا بنكلة يوم لحوم وفراخ ويوم معجنات ويوم لبن ولحوم واحنا مش عارفين ان كل فصيلة دم ليها اكل معين واذا اكلت اكل تانى بيحصلها فى مشكلة فى عملية التمثيل الغذائى اللى هو حرق الاكل اللى بنكلة بقى مشكله وطبعا الجسم عطول بيخزن الاكل اللى متحرقشى ودا سبب السمنة
انا واحد من الناس وزنى زايد جدا وطبعا ان عارف فصيلة دمى وهى O ماينفعشى اكل اى حاجة فى قمح يعنى لازم امنع العيش والمكرونة والمعجنات نهائيا لان منتجات القمح بتعمل مشكلة عند الناس اللى فصيلتهم O ومش بيقدر جسمهم يحرقة وبالتالى بيتخرن الاكل ويسمن الواحد وتاكل اى حاجة تانية وبأى كمية انا جربت الموضوع شهر ولاقات نفسى خسات عشرة كيلو واستغربت بتحسن معدتى اللى كانت عطول فيها مشكلة وبقات انام كويس وقولت استمرت لاقات انى بخس بردوة وقدرت اخس 20 كيلو فى 3 شهور بدون اى روجيم غير وباكل اى حاجة الا الحجات اللى فيها قمح ومنعت العيش نهائيا والمكرونة والمعجنات
وعالفكرة غالبية الشعب المصرى فصيلتهم O وبقية الفصائل التانية اقلية ودا بيدل على نقاء الدم المصرى عالفكرة لو تروح على اوروبا تلاقى معظم فصيلة دمهم A أو B وفى دول عربية زى لبنان وسوريا نفس الموضوع أما الناس فى امريكا تلاقى اغلبية فصيلة دمهم AB ومتنساش انهم الكاوبوى وملوك تربية البقر اما الناس فى اسيا اغلبية فصيلة دمهم A او B
عالفكرة فصيلة الدم O بتتركز فى افريقيا عموما لانهم اصل البشرية وكانوا بيعتمدو على اكل اللحوم وثمار الفاكهه
جربوة رجيم فصائل الدم وادعولى
ساحة النقاش