تحصين التسمم الدموى الفيروسى :
ويتم تحصينه ابتداء من عمر 2 الى 3 شهور بواقع 0.5 سم تحت الجلد للارانب الصغيره او الكبيرهويتم تكرار التحصين بصوره دوريه خلال السنه وبانتظام.

التحصين المصرى انتاج شركه العباسيه ويتم تكراره كل 6 شهور ويفضل التحصين فى شهر 6 وشهر 12 .
التحصين المستورد ( الاسبانى ) شركه الغنام ويتم تكراره كل سنه .
********

1- الاول بتاع العباسيه وده مشهور اكتر لانه اول تحصين هر للمرض ورخيص عن المستورد واكترهم استخدام خصوصا فى العيادات والمربيين الصغيرين وده جرعته 0.5 سم للكبير والصغير ويكرر كل 6 شهور يعنى مرتين فى السنه وهو معقول فى نتايجه مش بطال اهم شى انك تشتريه من مكان موثوق منه وتاخد احتياطاتك فى حفظه ونقل فى تلج علشان التحصين ما يبظش خلال نقله ويفضل اعطاءه ابتداء من سن 2 الى 3 شهور وبعد
كده دوريا .

2- التحصين التانى وده مستورد اسبانى من انتاج شركه هيبرا مش ايزو ودى شركه توكيلها مع شركه غنام هنا فى مصر وده بيتاخد برده 0.5 سم ابتداء من عمر 2 شهر بس بيتكرر كل سنه طبعا هو اغلى من العباسيه وناس بتقول انه افضل فى صد المرض وبيستخدم للمزارع الكبريه الى بتربى اعداد كبيره وبتخاف من المرض .

ملاحظات على التحصين :
1- لازم تحصن الارانب وهى سليمه ومش تعبانه باى مرض علشان التحصين ينجح وفى نفس الوقت ما يعملش رد فعل لانك لو حصنتهم ولسه المرض كامن ممكن يموتوا .
2- استخدام روافع المناعه قبل وبعد التحصين لزياده كفاءته واستفاده الارانب منه .
3- دكتور زميل كان شغال فى لاردن قال تنزيل البيكربونات قبل يوم التحصين 1 جم على اللتر ممتاز فى تضبيط وسط كويس للتحصين يشتغل فيه وزياده كفاءته .
4- فى حاله ظهور المرض لا ينفع التحصين الاضطرارى بس بندى روافع مناعه وبنرش مطهرات والقطيع هو وحظه بس تقريبا الخساير كبيره .
5- ممكنم لو المرض حواليك فى المنطقه تحصن تانى حتى لو انت محصن قبل كده تفاديا للخساير المحتمله .
والله اعلى واعلم

من طرف Nour Alaa