دراسه جدوى لمشروع ارانب صغير للمبتدئين بطاقة 10 ام +2 ذكور بالاسعار الحديثه 2015

الجزء الأول P-1
نسبة العائد المتوقع : 100%
______________________________
______________________________
الاصول الثابته
1_ البطاريات
2_ السلالات
الاصول المتغيره
1_ العلف
2_ الادويه
______________________________
اولا البطاريات واجمالي عدد العيون المطلوبه الافضليه للافقي
1_ عدد 10 عين للامهات
2_ عدد 2 عيون للدكور
3_ عدد 20 عين للفطام
4_ عدد 5 عين لتربيه السلالات
اجمالي عدد العيون المطلوبه 40 عين متوسط سعر العين 60 جنيه
اجمالي تكلفه البطاريات =40*60=2400 جنيه
ثانيا السلالات المطلوبه
1_ عدد 10 ام انواع مختلفه عمر 5شهور اوزان 3 كجم بكر
2_ عدد 2 دكور اعمار 6 شهور علي الاقل وزن 3كجم
اجمالي عدد السلالات 12 متوسط السعر 120 جنيه للارانب الواحد
اجمالي تكلفه السلالات =12*120=1440 جنيه
ثالثا الادويه المطلوبه
علي اعتبار حساب الادويه + التحصينات 150 جنيه تكفي فتره من الزمن
رابعا العلف
اجمالي كميه العلف = علف الامهات +علف الدكور + علف الفطام
اولا علف الامهات
الام هاتفي الشهر الاول استهلاكها 200 جرام علف يومي للحوامل و300 للامهات المرضعات علي اعتبار زياده الكميه في حين استخدام طريقه التربيه المكثفه يبقي نقول المتوسط 300 جرام يومي طول ايام السنه
300 جرام يومي 9كجم شهري 108 كجم سنوي
علف 10 ام =10*108 =1080 كجم
ثانيا علف الدكور
150 جرام علف في اليوم تكفي الدكر الشغال للحصول دايما علي نشاط واعلي كفائه انتاجيه للدكور
150 جرام يومي 4.5 كجم شهري 54 كجم سنوي
علف 2دكور =2*54=108 كجم
ثالثا علف الفطام
علي اعتبار ان عدد مواليد كل ام في السنه 40 ارنب فطام بعد حساب نسبه النافق واستهلاك الارانب الواحد من العلف 3 كجم حتي عمر البيع
عدد مواليد 10ام في السنه =10*40 =400 ارنب في السنه
اجمالي كميه علف الفطام =400*3=1200 كجم
اجمالي كميه العلف =1080+108+1200=2388 كجم يعني نقول 2400 كجم
متوسط سعر كجم العلف 3 جنيه (بالجملة أقل من 3 جنيه)
اجمالي تكلفه العلف =2400*3=7200 جنيه

__________________________________
اجمالي المصروفات =العلف +البطاريات + السلالات +الادويه
= 150+1440+2400+7200= 11190 جنيه
قول (( 12ألف جنيه)) -الاهلاك في البطاريات و احلال في الامهات لأي سبب-
_________________________________________________
الايرادات بقي عباره عن بيع الارانب الفطام لحم وخلوا بالكوا مش هجيب سيره السلالات خالص
العدد 400 ارنب فطام في متوسط وزن الفطام عند البيع 2 كجم
اجمالي كميه اللحم =400*2=800كجم
متوسط سعر كجم لحم طوال السنه 20 جنيه
اجمالي الايرادات =800*20=16000 جنيه
كدا يعتبر ان ثمن المشروع كله خلاص اخدته الحمد لله من اول سنه + 4000 جنيه
_______________________________
_______________________________
السنه التانيه بقي الاحتياجات بس هتكون العلف والادويه فقط يعني هنقول 7200 جنيه علف و300 جنيه كمان ادويه و ماء و خلافه
يبقي اجمالي مصروفات السنه التانيه =الادويه +العلف
المصروفات =7500 جنيه
__
يبقي صافي الربح السنه التانيه =اجمالي الايرادات -اجمالي المصروفات
الربح =16000-7500=8500 جنيه
_____
اجمالي ربح بعد سنتين =4000+8500 =12500 جنيه
هنطلع منهم 500 مصاريف اخري يبقي الباقي (( 12 الف جنيه)) في سنتين +كمان المشروع بقي بتاعك من مفيش بعد كده
_________________________________________________________
_________________________________________________________
ملحوظة:
1- لم يحسب تكاليف المكان المقام عليه المشروع على اعتبار أن حجم هذا المشروع يكفيه حجرة واحدة أو أي مكان ملحق بالمنزل
2- متكلمتش في 40 عين اللي انا عامل حسابهم لتربيه السلالات اللي اكيد هيطلع منهم مكسب اكتر ولكن هتاخد منهم سلالات للاحلال بدل ما تشتري من بره وكمان اللي هتبيعه منهم هتدخله في تجديد البطاريات او في زياده العدد واحده واحده