.....ناوي أغير الدكتور.....( خمسه فرفشه )
تقول للدكتور.....حمام محشي.....يقول ممنوع
يعني أعمل إيه.....دبرني.....أموت م الجوع؟
قال ايه.....كلسترول.....دهون ثلاثيه
ياناس.....دي أحلي أكله.....مع ملوخيه
ماشي.....مضطر.....لازم أسمع الكلام
بلاها حمام.....وبلاش.....اللحمه ف البرام
خلينا مع الكوسه.....وشوربة الخضار
وفراخ مشويه..... ورز ع البخار
السمك سنجاري.....يعني.....صينيه
بلاش المقلي.....دي عالم.....مفتريه
بلاش الكابوريا.....بلاش سبيط
خلينا ماشيين.....جنب الحيط
ناوي أغير الدكتور.....أروح لواحد تاني
حاسس إني خَسيت.....م النحافه بعاني
