قول يـــــــــــا ودع
قول ياودع على اللي حصل في الدنيا زمان واحـكيلي
نطق الودع وقال اللي جري ياصغيريـطول سواد ليــلي
حكايات وقصص كتير شوفــتها وانا في البــحر بتـجيلي
فيه اللي كان عنده امل وكان ياخدنى بحضــنه يغنيلي
واللي كان مغروربالجاه ويقول أنــــا كل الناس توطـيلي
وزعق الموت في الكل وانا مين حيهرب من مناجيـــلي
نطق الصبي قال انالسه قدامي ياودع عمري وسنيـني
بس خايف ياودع من اللي حصل من كام يوم لزمـيــلي
سنه كان زي سني من اللي جرى له ياخوفي يـاويـلي
شوفته قتيل شوفته غريق ياودع ووقفت انا على حيلي
خايف حتى افرح بعمري ولا ألعب تتكسر رجول خيــــلي
واخرج بره بيتى واروح مدرستى الاقي الموت يناديــــلي
بكيــت من الرعب لغاية الدمع ما نشـف ودابت مـناديلي
شلت الهم من بدري علي كتفي لغـــاية ماانقطـع حيلي
بس لسه في امل في بكرة ياودع نفرح ولويوم أنا وجيلي
وتفضل علي وشى بسمة تنور في العتمــة دى قناديلي
محمد ابو الفتح......
