حكاية صبية أهلها ظلموها
والسبب في الاصل اخوها
علي الجواز ياناس غصبوها
وقالولها ظلمك ده حلال
حرموها من حبيب القلب
وقالولها مفيش عندينا حب
ناس لا تعرف دين ولا رب
وجوزوها لواحد خمال
مهره من الخيل العربية
غندورة بخطوة ملكية
صاحبها ملك الفروسية
واللي أخدها مش خيال
مسابوش الكلمة ليها
وتبكي بدموع عينيها
خلوا الهم زاد عليها
ومتستحملهوش جبال
الحظ عنيد وشغال عناد
وردة وقطفوها قبل المعاد
وعلي روحها وقفت حداد
عشان مسكينه وبختها مال
أهلها دول ناس طماعين
رفضوا بدل العريس عشرين
وحرموها من ضي العين
وبصوا للقرد عشان المال
اللي تعجبه القصيدة ياريت لايك ويشرفني عندي في الاكونت وان شاءالله قصايدي حتعجبكم وتنول رضاكم
