إلي كل مصري ومصرية ولد بنت راجل ست كبير صغير شباب عجوز عايش في مصر او متغرب غني فقير ....(مصري)
بصوا وركزوا في الطفلين دول اللي هو الطفل السوري الله يرحمه ويرحم اهل سوريا جميعا والتاني الطفل المصري اللي مع فخامة الزعيم
وشوفوا الفرق بين ده وده
بصوا يا مصريين وشوفوا الفرق بين الجيوش كلها وبين جيشكم العظيم
جيش العراق خان القائد بتاعه وسلموه وحاكموه والبلد اتدمرت واتحرقت واحتلت ولحد دلوقتي مش عارفين يجمعوا اسم دوله
جيش ليبيا مرتزقه افارقه وقبائل ومتعرفش ليهم مبدا ولما قامت ثورتهم حرقوا البلد باللي فيها بالقذافي بولاده بالحكومه ودخلت داعش واستوطنت عندهم وربك يعينهم وترجع باسم دوله تاني
جيش سوريا اللي كان من اقوي الجيوش العربية بعد مصر قامت ثورتهم واتقسموا وانفصلوا وانشقوا لمجموعات وكتائب ولواءات وحرقوا الاخضر واليابس وشردوا كل الشعب وبقي شعب لاجئين وجواري وحريمهم وبناتهم بتتباع في سوق النخاسه
جيش اليمن اتفتت ومبقاش فيها جيش اصلا واتقسمت لطوائف وملل واتحرق الاخضر. واليابس ولسه في صراع دائم
افغانستان السودان الصومال لبنان الصراع فيهم من سنين
ندخل بقي علي جيش مصر
الجيش ابن الشعب اللي عمره ما خان ولا غدر ولا اتقسم ولا ساب بلده وطفش ولا قتل واحد من اخواته وسهران وعيونه مفتحه ليل نهار ساند اهله في يناير ويونيو وصمد واتحدي الصعاب واتحمل ما لا يحتمل علشان خاطر بلده وارضه وعرضه ماتخلاش عن بلده ولو لحظه واحده رغم ان كل يوم بيموت من رجالته الاسود شهداء من ضباط وضباط صف وجنود ومع ذلك ميعرفش الخوف وإما النصر أو الشهادة وهو ده اللي إتربينا عليه في اعظم مؤسسة عسكرية في العالم .
نهاية كلامي لكل مصري ومصرية
خدوا بالكم من مصر وإدعوا لجيشكم في كل وقت وكل اذان بان ربنا يحرس مصر بجيشها وشعبها علشان تحيا مصر وهتحيا مصر
