( جوه مني قصيدة )
أنا جوه مني قصيدة وجع----------واللي كتبها مات
قصيدة بتحكي قصة حياتي-------مع حب ولي وفات
قصة تبكي الطير الشارد------فوق في السما بآهات
رواية وشايلة هم تقيل---------من أصعب الروايات
حكاية ومعانيها غريبه-----------من أغرب الحكايات
كل كلمة وليها معني----------متوصفهوش كلمات
قصيده حزينه بلون الليل-----------وجواها متاهات
مفيش لغه بتترجمها-----------وﻻ حتي كل اللغات
هي القصة والحدوته---------عن حب صاحي ومات
حب حرك كل سكوني-----------ومسابش ساكنات
بس سابني وحدي أبكي--------في أصعب اللحظات
حب جرحني قتلني ظلمني--------- بأشد الظلومات
حب كان بالنسبالي-----------دنيا فيها كل الأمنيات
فجأة وبدون أي داعي----------وحتي بدون عﻻمات
لقيت الحب الطاهر فيا---------أصبح من المحرمات
بقي عندي ماضي..ماضي سئ وحطيته في المحظورات
في الصندوق الأسود عندي----- في ركن الممنوعات
بقي فعل ماضي مبني ع الوجع----- مضارع بالآهات
لقيت نفسي كرهت الحب ------وكل النساء الجميﻻت
وأخدت قرار ممنوع الحب ----وجوازي جواز صالونات
وبأقولها ومش حأختشي------ ﻷن اللي إختشي مات
وملعون أبوك يا حب حواء------- بدون أي إعتذارات
( فركش )
