شعب مصر ملوش كتالوج
شعب بيعدل المعووج
ميخافش يأجوج ومأجوج
ولا حتي من شوية خرفان
أخد قراره وحفر تاني قنال
وراح فرنسا وجاب الرافال
ويسلم البطل اللي قال
تحيا مصر في كل زمان
شعب كتب تاريخه بإيديه
ومفيش حاجة صعبة عليه
ولو فكرت تيجي عليه
إنت اللي بتطلع خسران
شعب عصبه شديد ومتين
شالوا بدل الرئيس إتنين
في خمسةوعشرين وتلاتين
وبالأمر خلوا المشير سلطان
شعب إحتار العالم في أمره
يمرض ميموتش وبيطول عمره
وكل حاجة بتكون بأمره
ولما بيغضب غضبه بركان
شعب علم كل البشرية
يعني إيه معني الحرية
وكل الثورات المصرية
بتتدرس في جميع الأوطان
شعب مصري يعني إبن مصر
لو ساكن في عشه أو حتي قصر
بيجمعهم جرس الكنيسة وآذان العصر وبيصلوا جوه الميدان
وهما دوله المصرين
اللي دايما موحدين
وفي رباط ليوم الدين
بشهادة نبينا العدنان.
