سمرة سمارة ومن بلدي

بنت الصعيد الجواني

أم الجمال الله أكبر

جمال طبيعي ورباني

ماشيه ع الأرض بكبرياء

خطوتها بتهز مباني

لابسه العبايه يا خلق ياهو

والعود متقسم طلياني

القصة طالة من الطرحة

بالشعر الغجري ياوحداني

حواجبها سبحان الخالق

بميول الهلال الرمضاني

العيون واسعة ومرسومة

وشاربة الكحلة السوداني

ورموشها سيوف بتارة

تدبح ملايين في ثواني

والانف دي بلحة من الشام

ومن نوعها مفيش تاني

خدودها مانجه من الغالية

لو دوقتها تقول هات تاني

شفايفها فراولة من الأصلي

ودي أكتر حاجة عجباني

رقبتها إسم الله عليها

ملفوفه لفه بريطاني

والباقي ماقدرش اقوله

والناس طبعا فهماني

وسمره سماره وحليوة

ومن الصعيد الجواني