-------- شحر اليمون 2--------

ايوه حاسس بالمرار

بس صعب الختيار 

ف زمن شجر اليمون؟؟

الرحمة ماتت فينا خالص

ومعدش حد بغيره حاسس

والأخ على أخوة بيهون

سوده الحياه قدام عنينا

ف وسط ناس قاسيه وليمة

يكون بايعك وياخد عربون

ناس عايشه بألف وش

والضمنه اللي قافله دوش

احسلك تسبها وتقوم

ولف دور عالأمان

بسلاح او شومه زان

ترجع بالليل مطحون

----( شجراليمون)----

شوكه أكتر من ثماره

لو قربت منه ياخد بتاره

الشجر دا شوكه مسموم

ارجع تسلم م الوباء

وايه هيفيدك م الغباء

غير الألم ويا الجنون

اسمع مني بلاش تعاند

دا الشجر اللي دمه فاسد

مسيره هيجيلوا يوم

ايك تدي دهرك للضباع

لو اشتراك او حتى باع

دا برضو ف طبعه لئيم

دنيا محفوظة ومدروسه

تشوفك تديلك بوسه

وتكون لسه طعناك بسكين

يا بني افهم كل حاجه

دا المريض جوه العياده

جرحه هو اللي آليم

------شجراليمون 2----

وقلولي ايه رأيكم علشان انشر

( شجر اليمون1)

بقلم الشاعر النجمي

محمود أبو الفضل

بتارخ

24/6/2015