وسمحيني
=======
بقلم الشاعر المصري/احمد ابراهيم
====================
وسمحينى مابين دربك
وبين دربى ماليه الشوك
موانع بيها متسلسل
وشوق مغلوب
ولا شمسك هتحّي شروق
سمحينى وده المكتوب
على صفحة سطور باكيه
وفيها الحرف صار مخنوق
وانا فيكى من العشقين
وف غيابك عيونى تبوح
ومش مسموح
اكون حلمك ومش مسموح
اكون املك ومش مسموح
ده اسمى ف صفحة الاقدار
مع اسمك هنا ممسوح
جدار عالى ولا قادر
صعاب والقلب بيكابر
على حبك
وف بعادك انا صابر
بصبّر روحى وبحبك
وسمحينى لا انا حلمك
ولا هقدر اكون ليكى
مع انى انا متك
حبيبتى ده الزمان قاسى
ياريت القلب كان قبلك
لكن زمنى حبيبتى غريب
فى عكس طريق من زمنك
لا يوم فى القرب هنقرّب
خلّينا نعيش ع الحلم
نسيب اروحنا تتقرّب
وعن واقع حياتنا الصعب
تعالى حبيبتى نتجرد
من الاحزان تعالى نعيش
على الاوهام
ومن مر الحقيقه قوام
وعن واقع كمان نهرب
لازم نهرب ونتجرد
نسيب اروحنا تتقرّب
==============
بقلم الشاعر المصري/احمد ابراهيم
