عارفه في بنا حاجة اكيد عارفها
في بنا كلمة لو مش قولتها فاهمها
انتي عارفه سر اهتمامي بيكي
وانشغالي ديما عليكي
وليه بكلمك وبسأل عليكي
عارفه
حاسس.. بشعور جميل جوايا
بس مش عايزة تفسري الحكايه
حابه يكون الشعور غامض
حابه يكون اللي بنا خامد
مش عيزاني اعترف وافضل ساكت
عارفه
شايف في عيوني كل الكلام
من غير ما اقول واضح فيها الغرام
لكن يمنعنا من البوح كتير
قدر واخد قلوبنا في مشاوير
ولا بيقابلنا ببعض كتير
عارفه
جمال المشاعر انها بنا وبس
ما فيش حد غيرنا بيها حس
واحنا كمان مخبين كل الحنان
معلمين ازي قلوبنا تخبي الغرام
ولا قلتلك ولا قلتيلي بحبك
كل اللي واضح بنا نظرة حنان
