عشر طرق تضايق بها زوجتك

الطريقةالأولى
في الصباح وأنت ذاهب للعمل وهى نائمة تعمد اسقاط اى شيئ او خبط الباب صوت عالى حتى تصتيقظ هى الأخرى .. لماذا انت فقط ؟ ولو حاولت أن تعود لتنام مرة أخرى  فقل لها : طلما استيقظتي حضري الفطار والشاي وخيطي أزرار القميص ومسح الحذاء بالورنيش ثم ودعيني على الباب.

الطريقة الثانية
اذا كنت تشاهد التلفزيون وهى تريد تغير القناة .. قال لها عذرا هذه الحلقة مهمة جدا فإن أحد أصدقائي شاهدها  على القناة الفضائية وقالى ان هذه الحلقة هى المسلسل كله .. أما إذا كنت تشاهد مباراة كرة قدم فسيكون الموضوع اسهل .. كل ما أ حد من اللاعبين من اى فريق يمسك بالكورة قال لها عذرا ثوانى انا أشعر ان الكورة دى هدف حتى لو كان حارس المرمى يمسك بالكورة والمباراة متوقفة لان هناك لاعب مصاب  

 الطريقة الثالثة
استيقظ يوم الجمعة بهمة ونشاط وجهز الافطار لزوجتك بس لاتنسى انك تستخدم 15 طبق واكبر كمية من الملاعق والشوك و 5 حلل من التي لديكم فى المطبخ و 10 أكواب لاعداد طبق بيض وسندوتش جبنة طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض وياريت مع البيض طبق فول غرقان في الزيت الحار والزيت نازل من الطبق على الصينية والعيش يكون بايت ومقطع
الطريقةالرابعة
فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة
الطريقة الخامسة
لو قامت بعمل ريجيم اسرع على السوبر ماركت ومحلات الحلويات واملئ التلاجة شكولاتة وحلويات وجاتوهات يراعى التجول في البيت وانت مستمتع بأكل الجاتوة امامها
الطريقةالسادسة
متنساش رأيك فى طبيخها لو عاملة لحمة قالها حلو اوووى الفراخ دى ..ولو طبخة بامية .. جميلة اوى الملوخية دي ياحياتي حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!
الطريقة السابعة
لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !
الطريقة الثامنة
لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورىبواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
الطريقة التاسعة
لو كانت مشغولة فى نظافة البيت او مع الاولاد وطلبت منك تغسل كوبيتن الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهى مكسورة واسألها فى براءة ارمى دى فين
الطريقة العاشرة
وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبك تقعد تستريح جنبك بصلها وقالها حبيبتى معلش ممكن كوباية ليمون صاقعة وبعدين تكوي القميص والبنطلون وتلمعي الجزمة علشان نازل مع أصحابي رايح القهوة

(هذا الكلام على سبيل الدعابة وليس التنفيذ وياريت تطلع عليها أنت وزوجتك سويا لتتبادلان الضحك فقط)