رواية طريق القلوب البارت الخامس 5 بقلم منة محمد
الفصل الخامس 
في احد الاحياء الشعبيه في عماره مكونه من سبع طوابق وفي ثاني طابق من هذه العماره كان يوجد شقه بسيطه من الداخل ليس بها الكثير من الاساس ولكنها مريحه للعين و مريحه للنفس وفي هذه الشقه كانت تجلس هي في غرفتها شارده حتي دلف والدها الي غرفتها وجلس امامها علي الفراش مردفا بحنان وهو يحاوط يديها بيديه: مالك يابنتي بتفكري في ايه
سردت له سماء كل ما حدث حتي طلب ذلك الرجل لها بالزواج فأردف والدها بحنان وحكمه: متعرفيش الخير فين
واكيد فيه حكمه من انك تروحي اليوم ده الكافيه رغم انك بقالك كتير مش بتروحي واكيد في حكمه من ان الولد يحبك كده ويتعلق بيكي ومن طلب باباه انه يتجوزك ممكن ربنا يكون حطك في طريقهم علشان تغيري حياتهم وتبقي ام للطفل الصغير ده
اردفت سماء بحزن يشوبه العبرات التي انهمر علي وجنتيها: بابا انت نسيت انا اخويا فين
يمكن معاك حق بس مين يقبل انه يتجوز بنت اخوها تاجر مخدرات ومسجون دلوقتي
انا تعبت يابابا الناس كلها بتحاسبني علي حاجه مش بأيدي والله مش بأيدي انا مخترتش اخويا مخترتش انه يبقي كده
ليه الدنيا والناس ظالمين اوي كده وبياخدونا بذنب ناس تانيه واحنا ملناش ذنب
انا تعبت من نظرتهم ليا والله تعبت ومعنديش استعداد اني اقوله ويرفض يتجوز بنت اخوها تاجر مخدرات
ضمها والدها الي صدره مردفا بقهرة اب والعبرات عالقه في مقلتيه: ده نصيب يابنتي احنا مخترناش انه يبقي كده ربنا يهديه ويرشده للطريق المستقيم
وانتي اعملي اللي عليكي يابنتي كلميه وقوليله علي اخوكي لو وافق يبقي هو ده نصيبك وكان بيها لو رفض يبقي ده مش نصيبك لكن مترفضيش كده من غير متفهميه مش يمكن ميبقاش عنده مشكله
ردت سماء بدموع: مش عارفه مش عارفه انا محتاره
يابابا انا مش هستحمل لو قال كلمه وحشه علي اخويا مهما يحصل هو اخويا لحمي ودمي اللي ديما كان حنين عليا ومش هستني انه يجي في يوم يعايريني بيه صدقني مش هستحمل
مسد والدها علي شعرها بحب وحنان مردفا: متقدريش البلي قبل وقوعه
واحسني الظن بالله ده الله عز وجل قال "انا عند حسن ظن عبدي بي ان ظن بي خيرا فله وان ظن شرا فله"
خلي ظنك بالله خير يابنتي وقومي اتصلي بيه وروحي شوفي الولد وقوليله
نهضت سماء وقبلت والدها من جبهته مردفه بحب :ر بنا ميحرمنيش منك ولا من وجودك في حياتي ياعلوه
ابتسم الاب علي بحنان بعدما نهض بحنان وحب: ولا يحرمني منك ياقلب علوه يلا انا هروح اصلي
اردفت سماء بهدوء وحب: تقبل الله ياعلوه
اردف الاب بهدوء وحنان: منا ومنكم يارب ياحبيبتي
عدد زيارات الموقع