رواية ابنتي ولكن الحلقة الثالثة عشر 13 والاخيرة كاملة بقلم ياسمين علي
نسترجع اخر احداث الجزء اللي فات مع بعض..
*وعد واقفة بتعيط*
نادين : ان شاءالله هيكون كويس ياوعد
وعد : انا ظلمتو يانادين .. لو حصله حاجة هبقا انا السبب
نادين : لا ياوعد انتي مالكيش زنب .. امه هي السبب حسبي الله ونعم الوكيل فيها
الدكتور : للاسف مقدرناش نعمل حاجة.. شدوا حيلكم
وعد : سيييف لاااا .. واغمي عليها
نادين: وعد .. فوقي ياوعد
كمال : اببنييي
الدكتور : دخلوها جوا بسرعة
الممرضة : حاضر يادكتور
الدكتور : اهدوا ياجماعة .. انا مقصدش سيف .. سيف لسه ف الغيبوبة مفاقش
كمال : يعني ابني مامتش .. ابني مامتش الحمدالله
عمر : اومال حضرتك تقصد مين
الدكتور : اقصد المدام اللي كانت واقفة معاكم .. اتخبطت بالعربية قدام باب المستشفي واتوفت ف نفس اللحظة مقدرناش نتدخل
فرح : ماما ماتت ! ماما ماتت يابابا .. انا السبب وبدءت تصرخ ... انا السبب انا اللي قولتلها تمشي .. انا السبب
كمال حضنها وهو بيعيط : فرح متعمليش كدا ف نفسك .. دا نصيبها يابنتي... ربنا عاوز كدا .. اهدي يابنتي متوجعيش قلبي عليكي انتي كمان
____________________________
الدكتور : مدام ... مدام انتي كويسة
وعد بدءت تفوق : سيف .. سيف فين ..
الدكتور : اهدي وهنفهمك
وعد بتعيط : سيف مات وسابني صح
الدكتور : لا اللي اتوفت والدة سيف مش سيف
وعد : يعني سيف كويس ولسه عايش
الدكتور : هو لسه عايش بس ف غيبوبة والله اعلم هيفوق منها ولالا .. عن اذنك
نادين : كدا تخضيني عليكي
وعد : الدكتور بيقول ان مامت سيف ماتت .. دا حصل ازاي
نادين : ربنا انتقم منها ..
وعد : حرام يانادين .. مهما كان اللي عملتوا ولادها محتاجين لها .. قوليلي فرح عاملة ايه
نادين : فرح منهارة والله واونكل كمال مش ملاحق .. شوية ابنه وشوية مراته .. ربنا يكون ف عونهم
وعد : هو بابا عرف
نادين : اه هو مع اونكل كمال برا ..
وعد : طب يلا نطلعلهم
نادين : تطلعي فين انتي لسه تعبانة
وعد : انا مش تعبانة خلاص يانادين .. انا طالعة لهم
______________________________
سالم : ربنا يطمنك ع سيف ياكمال
كمال : ياررب .. انا خلاص معدتش قادر استحمل صدمة تانية
عمر : انا خلصت تصريح خروج نهلة من المستشفي ..واحمد زمانه طلع تصريح الدفنة
كمال : ربنا يكرمك يابني تعبت معانا
عمر : متقولش كدا ياعمي احنا عيلة واحدة .. احنا كلنا هنتحرك بكرا بس مين هيفضل مع سيف
وعد : انا هفضل مع سيف .. بعد اذنك يابابا بس انا مش هتحرك من المستشفي غير وسيف معايا
سالم : اعملي اللي يريحك ياوعد
____________________________
*بعد مرور اسبوع*
فاطمة : مافيش اخبار عن سيف ياعمر
عمر : لسه ف الغيبوبة ادعيلوا ياماما
فاطمة : بدعيلوا يابني والله .. ياحبيبي ملحقش يفرح باخته .. وياعالم لما يفوق ويعرف موت والدته ايه هيحصله .. كان مستخبلهم فين دا كله
عمر : ربنا يصبرهم والله
فاطمة : عرفهم ياعمر اني عاوزة اجيلهم بس... مش هينفع اسيب سندوس لوحدها
عمر : متقلقيش ياماما هما عارفين انه غصب عنك .. وانا معاهم مش هسيبهم
_____________________________
*ف المستشفي*
خالد : ايه اللي سمعتوا دا يااحمد
احمد : خالد انت بتعمل ايه هنا
خالد : انت فاهمني سيف حصله ايه
احمد : لسه فاكر سيف .. مش دا اللي اخر مرة اتخانقت معاه فيها
خالد : يااحمد متفتحش ف القديم طمني عليه هو عامل ايه
احمد : سيف ف غيبوبة بقاله اسبوع ووالدته اتوفت
خالد : ياحول الله يارب .. انا والله كنت مسافر ولسه راجع انهاردة اول لما عرفت جيت علطول ..
احمد : فيك الخير ياخالد
خالد : من غير تريقة ياصاحبي انا جاي اطمن ع سيف مهما كان احنا عشرة عمر وبينا عيش وملح
احمد : كويس انك فاكر العشرة والعيش والملح
خالد : انا مش وحش اوي كدا يااحمد زي مانت شايفني ... وع العموم انا جاي اطمن بردك .. وهاجي تاني ولو ف اخبار جديدة ابقا كلمني ..
نادين : هو مش دا صاحبكم
احمد : كان
نادين : يعني ايه
احمد : يعني متركزيش معاه
نادين : ع فكرة هو من حقه يطمن ع صاحبه زيك بالظبط.. مالكش حق تعامله بالشكل دا
احمد : نادين انتي مش فاهمة حاجة ف احسنلك تسكتي
نادين : طيب فاهمني
احمد : بعدين يا نادين
نادين : تمام .. عن اذنك
___________________________
سالم : وعد امجد كلمني تاني وقالي انه هيسافر ف خلال يومين .. اقولو ايه
وعد : امجد مين
سالم : العريس الي كان متقدملك
وعد: انت بتتكلم بجد يابابا .. انت بتسألني تقولو ايه ... طبعا مش موافقة .. انا بحب سيف يابابا
سالم : بس سيف مش عارفين اذا كان هيعيش ولا ...
وعد : متكملش يابابا.. سيف هيعيش باذن الله علشاني وعلشان بنته مش هيسبنا لوحدنا .. هو وعدني
《سالم حزين ع حالة وعد بس مقدمهوش حل غير انه يسيبها تعمل اللي يريحها 》
سالم: ماشي يابنتي بس ع الاقل .. روحي ارتاحي وارجعيلوا تاني
وعد : مش هخرج غير وهو معايا يابابا
سالم : بنتك محتاجلك ياوعد .. روحي شوفيها واطمني عليها وارجعيلوا
نادين : بابا عنده حق ياوعد
وعد : حاضر هروحلها
___________________________________
*ف فيلا سالم*
ف اوضة وعد
وعد : عائشة نامت
يسر : ايوة ياهانم من نص ساعة
وعد : طب روحي انتي ارتاحي انا هقعد معاها
يسر : تحت امرك ياهانم
وعد راحت باست عائشة وهي نايمة .. وبصتلها ..
وعد : مكنتش احب انك تعيشي اللي انا عيشتوا وتتحرمي من ابوكي .. ان شاءالله سيف يرجعلنا وميسبناش هو وعدني وانا صدقته .. يارب رجعهولنا
______________________________
*بعد مرور شهر*
الدكتور : مش عارف اقول ايه بس مافيش امل
كمال : يعني ايه الكلام دا يادكتور
الدكتور : يعني ادعولو ..
كمال : يااررب متحرمنيش منه يارب
_______________________________
سيف ف مكان مافيهوش حد ..
نهلة : سيف وحشتني ياحبيبي .. كدا تغيب عني كل دا
سيف : انا فين !
نهلة : مش عارفة احنا فين .. بس انت هتيجي معايا صح
سيف : لا انا مش هاجي معاكي
نهلة : ليه ياسيف انا امك .. اوعا تكون لسه زعلان مني .. تعالي معايا وانا مش هعملك حاجة تضايقك تاني .. تعالي ياسيف
سيف : لا مش عاوز اروح معاكي .. مش عاوز وعمال يجري و يبعد عنها .. انتي بتكرهيني .. انا مش عاوز اكون معاكي ..
نهلة : استنا ياسيف انا بحبك ..خليك معايا متسبنيش لوحدي
سيف : لا انا مش هصدقك تاني ..
*بيبص وراه لقي عربية خبطت نهلة*
سيف : ماماااا ..
*فتح عينه*
وعد بفرحة جريت : سيف .. انت فوقت .. انا مش مصدقة .. انت كويس ..وطلعت تجري تنادي الدكتور ... سيف فااق ..
الدكتور : دي معجزة ..
وعد : الحمد الله يارب .. يعني هو خلاص كدا بقا كويس صح
الدكتور : اه حمدالله ع سلامته
*الكل دخل*
كمال : ابني حبيبيي اخيرراا
فرح : سييف وحشتني اوووي ..
عمر : حمدالله ع سلامتك ياوحش
احمد : وحشتنا ياسيف والله
سالم : قوم بالسلامة بقا بنتك مستنياك
نادين : بنته بس ووعد كمان
وعد : انا فرحتي برجوعه متتوصفش والله
*سيف ساكت وبيبصلهم كلهم ..*
سيف : فين ماما ليه مش واقفة معاكم
*الكل سكت*
سيف : ماتت صح .. بدء يعيط .. ماتت
كمال : امر ربنا يابني مش هنعترض .. ادعيلها
سيف : يارب ارحمها ..انا عاوز اخرج من هنا
وعد : هتخرج ياسيف
سيف : وعد انتي ....
وعد : متقلقش انا عرفت الحقيقة ومش زعلانة منك ..
احمد : وعد الوحيدة اللي كانت قعدة جنبك كل الفترة اللي كنت فيها ف الغيبوبة
نادين : كنا بنتحايل عليها تروح تشوف عائشة
سيف : عائشة .. وحشتني
وعد : هتشوفها ياسيف اول لما تخرج
عمر : الدكتور قال انه مسمحلوا يخرج بكرا .. لحد ميطمنوا انه بقا كويس
سيف : انا كويس .. بس خرجوني
وعد : مفرقتش ياسيف استحمل وانا هفضل جنبك هنا
سيف : حاضر
_______________________________
*بعد مرور ٣ سنين*
《 سيف ووعد رجعوا ووعد كمان حامل ...وسيف مسك شركة كمال .. وعمر بقا مدير ف شركة سالم .... واحمد وخالد بقوا شغالين ف شركة كمال بعد ماربنا هدا خالد .. واخيراا نادين و فرح اتخرجوا وهيتجوزوا 》
_______________________________
■ يوم الفرح ■
وعد : سيف اصحا ياسيف
سيف بخضة : في ايه مالك هتولدي ولا ايه
وعد : لا مش هولد بس فوق يلا علشان توصلني .. عايزة اكون مع نادين وفرح واساعدهم
سيف : تساعدي مين انتي عاوزة اللي يساعدك ...
وعد : بطل غلاسة بقا .. يلا علشان ميزعلوش
سيف : ياحبيبتي هما عذرينك .. انتي ع اخرك خلاص
وعد : ماليش دعوة بقا وديني .. ولا اخد تاكسي واروح انا
سيف : خلاص انتي هتعيطي .. هوصلك
وعد : بس قبل مااروحلهم هنروح نجيب الفستان بتاعي
سيف : انتي هتلبسي فستان ازاي ببطنك دي ..
وعد : مالها بطني ان شاءالله ..
سيف : هتبقا كبيرة اوي ع فستان .. انا مش فاهم ايه كل دا .. وانتي مصممة متخلناش نعرف هنجيب ايه
وعد : عاوزة تبقا مفجأة لما اولد... يقولولي مبروك جبتي بنت زي القمر تاني
سيف : وليه ميبقاش ولد زي القمر زيي
وعد : لا ان شاءالله بنت تاني
سيف : بس انا عاوز ولد
وعد : وانا عاوزة بنت
عائشة : باااااس انا حاوزة الاتنين
سيف حضنها : ياحبيبت بابا انتي .. تعالي
عائشة : مامي انتي هتولتي النونو امتي انا حاوزة اللعب معاه
سيف : مش عارف والله ادينا مستنين لما تنفجر
وعد : نعم
سيف : اقصد لما تولد
وعد : تعالي ياروحي علشان نسيب بابا يغير هدومه ونروح احنا كمان نلبس .. علشان نروح لخالتو وعمتو
عائشة : ماثي يامامي
__________________________
وعد : الحلوين عاملين ايه
فرح : انا مبسوطة اوووي اوووي ياوعد .. انا مش مصدقة خلاص هنتجوز انا وعمر
وعد : لا صدقي خلاص النهاردة الفرح ..
نادين : انا عن نفسي مصدقة عادي .. المفروض احمد هو اللي يبقا مش مصدق نفسه انه هيتجوزني
وعد : لا ياشيخة دا ع اساس ان مش انتي اللي اعترفتيلوا الاول
نادين : تصدقي انا غلطانة اللي بحكيلك حاجة ..
فرح : بجد انتي اللي اعترفتيلوا الاول ازاي يابنتي مافيش كسوف خالص كدا
وعد : شوف مين بتتكلم انتي نسيتي اول مقابلة ليكي مع عمر انتي كمان
فرح : صلي ع النبي ياوعد انتي جاية تفضحينا ولا تساعدينا
نادين : ثواني بس مانتي كمان فضلتي تحبي سيف رغم معاملته الزبالة ليكي ...
فرح : وانا شاهدة
وعد : خلاص ياجماعة نعترف اننا بنحبهم
فرح : انا عن نفسي معترفة من زمان اوي اني بحب عموري
نادين : وانا كمان بحب احمد اوي اوي
عائشة : وانا هحب مين يامامي
وعد : حبيني انا ياعائشة
______________________________
فاطمة : انا مش مصدقة انك خلاص هتتجوز ياعمر وهتسبنا
عمر : ومين قالك اني هسيبكم بس .. انا علطول هبقا عندكم انا وفرح .. وبعدين انا وفرح طلبنا منكم تعيشوا معانا رفضتوا
فاطمة : لا يابني انا مرتحش غير في بيتي
عمر : ودا بيتك ع فكرة
فاطمة : بردك يابني انا مرتاحة كدا
سندوس : انا لبست خلاص .. بص ياابيه عمر فستاني حلو ازاي
عمر : ايه الحلاوة دي انتي ناوية تاخدي مكان فرح
فاطمة : جميل ياسندوس ياحبيبتي
عمر : طب لو جهزتوا .. يلا بينا
فاطمة : يلا يابني
________________________________
*ف القاعة*
سالم ماسك نادين بيوصلها لاحمد .. وكمال ماسك فرح بيوصلها لعمر
كمال : خليبالك منها ياعمر
عمر : دي ف عنيا ياعمي متقلقش
سالم : لو نادين اشتكتلي منك هكسر دماغك انت وهي
نادين : وانا مالي انا
سالم : علشان متشتكليش
احمد : متقلقش ياعمي مش هي اللي هتشتكي انا اللي هشتيكي منها ...وصيها عليا ونبي
نادين : اصبر لينا بيت يلمنا
احمد : ايوة انا نفسي اتلم اويي بصراحة
______________________________
سيف : ايه الحلاوة دي بس
وعد : بجد ياسيف الفستان حلو
سيف : قمر قمر يعني .. محتاج بس اربطك ف حاجة احسن تطيري مني
*وعد شدته من الجرافتا*
سيف : اه انتي هتموتيني يامجنونة
وعد : بعدلهالك ياحبيبي ..متخافش
*اغنية Slow اشتغلت .. والعرسان بدؤا يرقصوا*
احمد : انا مش مصدق ان خلاص انهاردة فرحنا
نادين : انا قولتلهم كدا بردك
احمد : قولتلهم ايه
نادين : انك مش هتصدق نفسك
احمد : اتعدلي بدل مااسيبك وامشي
نادين : اعملها علشان يبقا اخر يوم ف عمرك
احمد : انا مش عارف ايه البلوة اللي وقعت فيها دي .. انا اللي جبتوا لنفسي
نادين بزعل : انا بلوة يا احمد
احمد : واحلي بلوة وربنا
نادين : بحبك
احمد : يلهوي .. اخيرا سمعتيني كلمة حلوة .. ماشي ياستي وانا بموت فيكي
فرح : انا فرحانة اوي ياعمر خلاص حلمنا بيتحقق
عمر : ولسه باقي حلمنا هنكملوا مع بعض
فرح : مش هبعد عنك لحظة
عمر : وانا هفضل جنبك علطول .. انا بحبك اوي يافرح .. بشكر الصدفة اللي جمعتنا
فرح : وانا كمان بحبك
عمر سابها
فرح : رايح فين
عمر : استني هجيلك .. راح خد مايك
عمر : انا مش عارف اوصفلكم فرحتي انهاردة ازاي .. ان خلاص هتجوز فرح .. وحابب اهديها الاغنية دي .. بدء يغني
°°
اجمل نساء الدنيا جوه عيوني انتي •• اجمل نساء الدنيا انتي يا حبيبتي
°°
اجمل نساء الدنيا جوه عيوني انتي•• اجمل نساء الدنيا انتي يا حبيبتي
•• خدني الغرام خدني لحكايه حب حلوه ♡ عشت ليها شفت فيها اجمل حياه ••
°° انا مش مصدق نفسي انك بين اديا ••• من يوم ما حبك خدني مش بتنام عنيا °°
•• جوايا شوق قد الحنان اللي فعنيكي °° روحي فيكي نظري ليكي هي الحياه ••
اجمل نساء الدنيا في عنيا ♡♡ انا قدرت تاخدني في ثانيه من روحي انا
°° وعد مني ما احب غيرك فالوجود ••احساس جميل جوايا اكبر من الغرام °°
••• واللي مابيني وبينك اكبر من الكلام •• احساس جديد خدنا لبعيد مالوش حدود •••
♡♡ يا اجمل من كل النسااااء ♡♡
*فرح حضنته .. والكل سقف لهم*
نادين : وانت مش هتغنيلي
احمد : حاضر هغنيلك ف البيت للصبح
نادين : لا دلوقتي
احمد : مش هينفع هنا بقا اتهدي
وعد : حلويين اوي .. ربنا يفرحهم دايما
"سيف بيبصلها ومبتسم"
وعد : بتبصلي كدا ليه
سيف : ببص ع اجمل واحدة ف عيوني
وعد : مانا كنت بلونة وهطير من شوية
سيف : حتي وانتي بلونة اجمل واحدة
وعد : بجد ياسيف وايه كمان
عائشة بتشد بنطلون سيف : بابي .. بابي سيلني عاوزة اتفرج
سيف : عاوزة تجيبي واحدة تانية .. كفاية واحدة مبوظلنا كل اللحظات الحلوة
وعد : معلش ياسيف شيلها بنتك بردك
سيف شالها : اتفرجي ياحبيبت بابا اتفرجي
عائشة : بابي هو انا امتي هتكوز سبهم
سيف : كلمي بنتك عاوزة تتكوز ياوعد ..
*وعد بتضحك*
سيف : اضحكي .. عاوزة تتكوزي مين ياحبيبتي
عائشة : عاوزة اتكوز مالك يابابي
سيف : هو ايه اللي مالي .. مش لازم اعرف بنتي اختارت مين
عائشة بصوت عالي : انا عاوزة اتكوز مالك .. مالك
وعد : قصدها تتجوز مالك ابن جارتنا
سيف : ااه مالك .. لا حلو يابت عرفتي تختاري ..
طالعة اروبة شبه مامي لما اختارتني
وعد : دا ع اساس انك حلو يعني
سيف : طبعا
وعد : انا اختارتك بقلبي مش علشان شكلك
سيف : بتثبتيني صح
وعد : اااه
سيف : انا عارف اساسا انك بتموتي فيا
وعد : اااااااهه
سيف : خلاص علشان كدا انا هتغر
وعد : تتتغر ايه يخربيتك .. انا شكلي بولد .... اااااااااه ..
سيف : يلهوي هو دا وقته .. اعمل ايه طيب .. امسكي نفسك
وعد بعصبية : مش قاادرةة اتصررف ااااااااه
*الناس كلها اتلمت*
سالم : مالك ياوعد
وعد : الحقني يابابا بولد .. مش قادرة
سيف : قومي طيب معايا .. نروح المستشفي
وعد : مش قادرة اتحرك ...ااااااااااااااااااه
______________________________
*ف المستشفي*
سيف : استحملي .. خلاص
وعد : مش قاااادررررة
نادين : انتي صابرة 9 شهور وجاية ف فرحي تولدي
وعد : هو دا كل اللي همك ... ااااااه .. سيف متسبنيشش
سيف : متخافيش ..
وعد : عائشة امانة ف رقبتك ياسيف
نادين : انتي داخلة تحرري القدس ياوعد
وعد : سكتوووهااااا .. اااااه
margin: 0px; font-family:
عدد زيارات الموقع