شعبنا مثل الوحش المدكور في اﻻساطير الشعبية يستيقظ اياما و ينام اجياﻻ ...
بين حرف و حرف كينا حكاية
بين حرف و حرف كينا رواية
بين حرف و حرف تخربو بيوت
بين حرف و حرف ماتو نفوس
بين حرف و حرف تدرفو دموع
شحال قدني نحكي شحال قدني نشكي
العين جفات و القلب قاسا
البﻻد تدمرات
البﻻد فالهاوية
الشعب باغي الهنا الشعب باغي الصفا
الشعب كينادي الشعب كيعاني
براكا من العنصرية و الخطط الشيطانية
دخلتو للحكومة
دخلتو للبرلمان
ما هنيتو جماعات ما هنيتو كوميساريات
فين ما مشيتو طغيتو و درتو ما بغيتو
شفرتو و نهبتو و خطفتو حتى شبعتو
باراكا من جميع الدرهم
راه الدرهم طاعون
عما القلوب و سد العيون
ادعاتنا ماهما اداعات و انتجاتنا ماهما انتجات
كتضحكو ععلينا حيت لقيتونا نيا
الشعب حس بالحكرة
الشعب حس بالقهرة
بناة اليوم ماهم بنات ووﻻد اليوم ماهم وﻻد
غير تقحبين و تزوميل
ما ينفعو مايضرو
والقهاوي عمرو غير بنتاوي و بناة ليل
و الزناقي عمرو غير بالعياقا و المشاميت
شوف العولمة فين مشات بعيد
غير باﻻمسن
الدرية كتحوا من لور و القدام
ها السعودي يحوي ها الزماكري يحوي
غير يحك كود الروشارج
ويحوي كيفما باغي
و عياﻻت الرجال
كيقلبو على لي يبرد دوك الغديد
يا من لور يا من القدام
الزناقي عمرو و القهاوي عمرو
و شوف بناة ليل لي من ثانوي خرجو
باباها يرسلها تتعلم
وهي خداما غير بالمصاصة العلمية
ها ديور القهاب و قهاوي شيشا
ها زناقي البزنازة و قهاوي القمرة
الفساد في كل مكان
النصابا كترو و شفارا كترو
القحاب كترو و بناة ناس قﻻلو
الزوامل بانو و الرجال ماتو
الخيب بان و الزين قﻻل
عﻻش يا خويا عﻻش
الكبير خايف و الصغير خايف
الخدمة والو
الحكومة والو
ﻻ برلمان
ﻻ مؤسسات تعليمية
ﻻ رجال دين
ﻻ ؤطر تعليمية
جوامع خواو و البيران عمرو
المدارس سدو و لي بواط كترو
لي فاك تفلسو و المهرجانات كترو
البلدان غادية لتقدم باش تزيان
وبﻻدي باغا التقدم باش تتهان
واش عدنا مدن سياحية وﻻ مﻻهي نسائية
الناس الدور باش تشوف الثقافة الوطنية
وناس الدور باش تشوف الترامي المغربية
كترو الدجينات و المينيات
كترو المقلدين للموظة الغربية
ايه يا اخي
راه الكﻻم كتير ماشي قليل
و المزود باقيا ما خوات
ما بقا ما يتعجب ما بقا ما يتشاف
راه شي باكي و شي فرحان
الناس مابقى عندها ما يتقال
الكريانات كترو و الصنادق عمرو
كلشي فزعان كلشي هربان
مابقا تعليم ما بقات تربية
كلشي راح في خبر كان
كنشوفو المغرب الزين غير فالشاشة المغربية
مغرب التطور
مغرب الحضارة
اﻻدارة قيما بالواجب و المخزن دير الواجب
كيحافظو على امن و سﻻمة المواطن
و براكا من الكدوب
الشعب عارف الشعب ساكت
خيف على راسو و على وﻻدو
خليونا عليكم فرقونا عليكم
اللهم الجاهلية و ﻻ تطور هاد الزمان
زمان الحكرة
زمان الشغرة
زمان الكدوب
زمان النفاق
الشعب مدفون مع الحياة
هادو قوم لوط و عاد
راه الكﻻم كتير ماشي قليل
و مهما طالت الطلمة واحد النهار غادي يبان نور
نور الحق
نور اليقين
والله الكريم ما يضيع حق عبادو
كلشي عاق كلشي فاق
الشعب المقهور غادي ينوض غادي ينوض
بركان غضب بركان هايج
غادي يقول
بغينا الحق بعينا الحق
غادي يكون تران بﻻ فران
غادي يحل عينيه غادي يحل قلبو
غادي يصرخ و يقول
براكا علينا براكا علينا
راه هادي ارضك و ارض جدادك
بغينا السلام بغينا اﻻمان
بغينا المال العام يرجع لماليه
حكومة جديدة
رجل سياسة نظيف
التطور الحقيقي و حظارة عظيمة
نرجعو امجاد جدادنا و تاريخ شهدائنا
و بغينا المستقبل لوﻻدنا ووﻻد وﻻدنا
براكا علينا براكا علينا
و بشعار واحد نقولو: الله الوطن الملك

الشاعرالأسمر